20.08.2026 | 20:37
Կարեն Սարուխանյանը և Անանիկ Ոսկանյանը «օդից փող» են հայտարարագրել․ Մեսրոպ Մանուկյան. ՏԵՍԱՆՅՈՒԹ
SpaceX-ը գործարկել է Dragon տիեզերանավի 50-րդ թռիչքը դեպի Միջազգային տիեզերակայան՝ NASA-ի պաշարները համալրելու համար
Քաղաքականություն
24.08.2025 | 21:51
Կիրակնօրյա գործարկումը դարձավ Dragon տիեզերանավի 50-րդ այցը Միջազգային տիեզերակայան․ առաջինը իրականացվել էր դեռևս 2012թ. մայիսին՝ մատակարարման ցուցադրական նպատակներով, փոխանցում է Euronews-ը։
Կիրակի օրը Ֆլորիդայի Կանավերալ հրվանդանից SpaceX-ը 50-րդ անգամ ուղարկեց Dragon տիեզերանավը (CRS-33 առաքում) դեպի Միջազգային տիեզերակայան՝ տեղափոխելով առևտրային բեռ։
SpaceX-ի ներկայացուցիչների խոսքով՝ Dragon-ը մոտ 28 ժամ տևողությամբ թռիչքից հետո երկուշաբթի օրը ինքնավար եղանակով կմիանա Միջազգային տիեզերակայանին։
CRS-33 առաքումը տիեզերակայանի աստղագնացներին կհասցնի 5000 ֆունտ (2268 կգ) սնունդ, նյութեր և գիտափորձեր։ Սակայն SpaceX-ի ներկայացուցիչները նշում են, որ այս առաքելությունը գերազանցում է պարզապես մատակարարումների համալրումը։
Առաքելության ընթացքում կկատարվի շուրջ 50 տարբեր գիտական ուսումնասիրություն, որոնք մեծ նշանակություն ունեն մարդու կողմից տիեզերքի ապագա յուրացման համար։
Կիրակնօրյա գործարկումը նշանավորեց SpaceX-ի Dragon տիեզերանավի այցելությունների հոբելյանը դեպի տիեզերակայան․ առաջին գործարկումը տեղի էր ունեցել 2012թ. մայիսին՝ մատակարարման ցուցադրական նպատակներով։
Սեպտեմբերին Dragon տիեզերանավը նորից կօգտագործվի տիեզերակայանի պաշարները համալրելու համար։ Ինչպես նշել է ՄՏԿ ծրագրի օպերացիաների ինտեգրման մենեջեր Բիլ Սպետչը, դա կապված կլինի տիեզերակայանի թռիչքի բարձրության փոփոխության հետ։
«Մի քանի տարի առաջ NASA-ն պայմանագիր կնքեց SpaceX-ի հետ՝ ապահովելու տիեզերակայանի արագացման հնարավորությունը։ Ինչպես գիտեք, տիեզերակայանի բարձրությունը ժամանակի ընթացքում դանդաղորեն նվազում է մթնոլորտի բարակ շերտի պատճառով, որը դեռ առկա է մեր բարձրության վրա»,-ասել է Սպետչը։
Սպասվում է, որ Dragon տիեզերանավը Երկիր կվերադառնա ոչ շուտ, քան դեկտեմբերին։
