16.02.2026 | 00:04
Հայաստանի գեղասահորդները հաջող մեկնարկեցին Օլիմպիական խաղերում․ ՏԵՍԱՆՅՈՒԹ
ՀԷՑ-ի տնօրինության հուլիսի պարգևավճարները կբաշխվեն 1000 աշխատակիցների միջև. Ռոմանոս Պետրոսյան
Քաղաքականություն
22.08.2025 | 22:00
ՀԷՑ-ի գլխավոր տնօրինությունն ու մասնաճյուղերի տնօրենները հուլիս ամսվա համար պարգևավճարներ չեն ստացել, ինչի արդյունքում ընկերության աշխատանքի վարձատրության ֆոնդում ունենք շուրջ 20 մլն ՀՀ դրամի չափով լրացուցիչ խնայողություն։ Այս մասին գրել է ՀԷՑ-ի ժամանակավոր կառավարիչ Ռոմանոս Պետրոսյանը։
«Այդ միջոցները ՀԷՑ ժամանակավոր կառավարչի առանձին հրամանով, որպես հավելյալ պարգևավճար, համաչափորեն կբաշխվեն ՀԷՑ-ի շուրջ 1.000 աշխատակիցների միջև, ում հուլիս ամսվա աշխատանքի վարձատրության գումարը (աշխատավարձ + պարգևավճար) չի գերազանցել 200 հազար ՀՀ դրամը (հարկերը՝ ներառյալ). արդյունքում՝ վերջիններիս վարձատրությունն այդ ամսվա համար կավելանա լրացուցիչ 10-15% չափով։
Այդ խմբի մեջ մտնում են հարյուրավոր հսկիչներ, տեխնիկներ, մոնտյորներ, փականագործներ, բանվորներ, վարորդներ և այլ մասնագետներ. ընդհանուր՝ 947 անձ։
Շնորհակալություն եմ հայտնում մեր բոլոր բարեխիղճ և ազնիվ աշխատակիցներին։
Բարի հանգստյան օրեր բոլորիս»,- գրել է նա։
