29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
Թրամփի նախկին խորհրդական Ջոն Բոլթոնի տունը խուզարկել են
Քաղաքականություն
22.08.2025 | 18:43
ԱՄՆ նախագահ Դդոնալդ Թրամփի՝ ազգային անվտանգության հարցերով նախկին խորհրդական Ջոն Բոլթոնի տունը խուզարկել են։ AFP-ի լրագրողն արձանագրել է, թե ինչպես են ՀԴԲ գործակալները մտնում Բոլթոնի Մերիլենդ նահանգի տուն, փոխանցում է BBC-ի ռուսական ծառայությունը։
Հաղորդվում է, որ խուզարկությունն իրականացվել է ազգային անվտանգության հարցերին վերաբերող հետաքննության շրջանակում՝ ՀԴԲ տնօրեն Քեշ Պատելի հրամանով:
«ՈՉ ՈՔ օրենքից վեր չէ: ՀԴԲ գործակալներն առաքելության մեջ են»,- գրել է Պատելը X-ում՝ ակնհայտորեն ակնարկելով Բոլթոնի տանը խուզարկությունների մասին:
Հաղորդագրությունը վերահրապարակվել է Սպիտակ տան պաշտոնական էջում: Հարցի վերաբերյալ պաշտոնական մեկնաբանություն, սակայն, դեռևս չի եղել:
Ըստ տեղեկությունների՝ հետաքննությունը կապված է տեղեկատվության արտահոսքի հետ, և իրավապահները գաղտնի փաստաթղթեր են փնտրել։ Բոլթոնը ներկայում ձերբակալված չէ:
Ջոն Բոլթոնը 2001-2005 թվականներին, Ջորջ Բուշ կրտսերի պաշտոնավարման տարիներին, եղել է պետքարտուղարի տեղակալ՝ զենքի վերահսկման և միջազգային անվտանգության հարցերով, իսկ 2005-2006 թվականներին՝ ՄԱԿ-ում ԱՄՆ դեսպան։
Բոլթոնը հայտնի է արտաքին քաղաքականության վերաբերյալ իր պահպանողական հայացքներով և Հյուսիսային Կորեայի, Իրանի, Կուբայի, ինչպես նաև Ռուսաստանի և նրա դաշնակիցների հարցում կոշտ գծի դիրքորոշմամբ։ Նա բազմիցս հանդես է եկել ԱՄՆ միջուկային ներուժը սահմանափակող ցանկացած պայմանագրի դեմ։
