23.06.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Ուկրաինան ԵՄ-ից 4,05 միլիարդ եվրո է ստացել
Քաղաքականություն
22.08.2025 | 20:29
Ուկրաինան Եվրամիությունից (ԵՄ) 4,05 միլիարդ եվրո է ստացել, հայտնել է երկրի վարչապետ Յուլիա Սվիրիդենկոն։
1 միլիարդը տրամադրվել է ERA Loans ծրագրի շրջանակում, որը ֆինանսավորվում է սառեցված ռուսական ակտիվներից, ևս 3,05 միլիարդ եվրո՝ Ուկրաինային ֆինանսական աջակցության ծրագրի շրջանակում՝ երկրի վերականգնման և Եվրամիությանը ինտեգրման համար, հաղորդում է BBC-ի ռուսական ծառայությունը։
«Այս աջակցությունն ամրապնդում է ինչպես պետական բյուջեն, այնպես էլ վերականգնման գործընթացը»,- մեկնաբանել է Սվիրիդենկոն։
Եվրահանձնաժողովի նախագահ Ուրսուլա ֆոն դեր Լեյենը հաստատել է, որ Կիևը ստացել է ավելի քան 4 միլիարդ եվրո։
«Սա մեր պարտավորությունն է ոչ միայն Ուկրաինայի վերականգնման, այլև նրա ապագայի նկատմամբ՝ որպես ինքնիշխան և ժողովրդավարական երկիր»,- X-ում գրել է ֆոն դեր Լեյենը։
