31.05.2026 | 20:00
չԾխելու ՇԵՐՏԵՐԸ. ինչպես է շրջանցվում արդեն 6 տարի գործող օրենքը․ ՏԵՍԱՆՅՈւԹ
Լավրովը հայտարարել է, որ Պուտինը պատրաստ է հանդիպել Զելենսկիի հետ, երբ հանդիպումը մանրամասն օրակարգ ունենա
Քաղաքականություն
22.08.2025 | 17:20
Ռուսաստանի նախագահ Վլադիմիր Պուտինը պատրաստ է հանդիպել Ուկրաինայի նախագահ Վլադիմիր Զելենսկիի հետ, երբ հանդիպումը մանրամասն օրակարգ ունենա, բայց նման ծրագիր դեռևս չկա։ NBC-ի Meet the Press հաղորդման ժամանակ այս մասին հայտարարել է ՌԴ արտաքին գործերի նախարար Սերգեյ Լավրովը։
«Այս օրակարգն ընդհանրապես պատրաստ չէ։ Նախագահ Թրամփն Անքորիջում հանդիպումից հետո առաջարկել է մի քանի կետեր, որոնք մենք կիսում ենք, և մենք համաձայնել ենք ճկուն լինել դրանցից մի քանիսի հարցում»,- հավելել է նա։
Ըստ Լավրովի՝ Վաշինգտոնում կայացած հանդիպման ժամանակ Թրամփն այդ կետերը ներկայացրել է Զելենսկիին ու եվրոպացի առաջնորդներին։
«Կան մի քանի սկզբունքային կետեր, որոնք, ըստ Վաշինգտոնի, պետք է ընդունվեն, այդ թվում՝ ՆԱՏՕ-ին Ուկրաինայի ՆԱՏՕ-ին անդամակցության բացառումը և տարածքային հարցերի քննարկումը։ Եվ Զելենսկին «ոչ» է ասել ամեն ինչին։ Ինչպե՞ս կարող ենք հանդիպել մի մարդու հետ, որը ձևացնում է, թե առաջնորդ է »,- ասել է ռուսաստանցի պաշտոնյան։
Նախօրեին Սերգեյ Լավրովն արդեն ասել էր, որ Ռուսաստանի և Ուկրաինայի նախագահների հանդիպումը կարող է տեղի ունենալ միայն «մանրակրկիտ նախապատրաստումից» և «Զելենսկիի լեգիտիմության հարցը լուծելուց» հետո։ Նա նաև հայտարարել է, թե Կիևի անվտանգությունը երաշխավորելու համար Ուկրաինայում արևմտյան զորքերի տեղակայումը Ռուսաստանի համար անընդունելի է:
