05.12.2025 | 23:01
Եվրոպական հանձնաժողովը 120 միլիոն եվրոյով տուգանել է Իլոն Մասկի X-ին
Շնորհավորում եմ բոլորիս՝ Հայաստանի և Ադրբեջանի միջև հաստատված խաղաղության առիթով․ Փաշինյան. ՏԵՍԱՆՅՈՒԹ
Քաղաքականություն
21.08.2025 | 11:33
Վարչապետ Նիկոլ Փաշինյանն այսօր արձակուրդից հետո առաջին անգամ վարում էր կառավարության նիստը։
Մինչ օրակարգային հարցերին անցնելը Փաշինյանը նախ շնորհավորեց կառավարության անդամներին «Հայաստանի և Ադրբեջանի միջև հաստատված խաղաղության առիթով», որն, ըստ վարչապետի, տեղի է ունեցել օգոստոսի 8-ին Վաշինգտոնում ստորագրված հռչակագրի արդյունքում։
«Ուզում եմ նաև բոլորիդ շնորհակալություն հայտնել այս ընթացքում կատարված աշխատանքի համար։ Մենք դա չենք լուսաբանել, բայց արձակուրդների ընդհատումներով, կառավարության կազմով, անվտանգության խորհրդի ընդլայնված կազմով, ՀՀ նախագահի, խորհրդարանական մեր գործընկերների մասնակցությամբ, նաև «Քաղաքացիական պայմանագիր» խմբակցության հետ քննարկումների շարք ենք ունեցել, այսինքն, Վաշինգտոն մեկնելուց առաջ խորհրդակցություններ ու քննարկումներ ենք ունեցել, տեքստի վերլուծություններ ենք ունեցել և եկել ենք այն եզրակացության, որ այս քայլը պետք է անել, և ես ուզում եմ կատարված աշխատանքի համար բոլորիդ շնորհակալություն հայտնել»,-ասաց նա։
Ըստ Փաշինյանի՝ այս քայլով աշխատանքը ոչ թե ավարտվում է, այլ՝ սկսվում։
Փաշինյանը համոզված է՝ «Հայաստանի և Ադրբեջանի միջև խաղաղության հաստատմամբ» մենք դուրս ենք եկել զարգացման նոր օրակարգ և հարթություն, իսկ դա իրականացնելու համար առջևում շատ մեծ աշխատանք կա անելու։
Մանրամասները՝ տեսանյութում։
