29.04.2026 | 15:03
Ադրբեջանը կարող է որոշում ընդունել դադարեցնել համագործակցությունը Եվրախորհրդարանի հետ
Ուկրաինայի անվտանգության երաշխիքների հիմքը նրա բանակն է. Կոշտա
Քաղաքականություն
19.08.2025 | 21:22
Ապագա երաշխիքների հիմքը Ուկրաինայի սեփական զինված ուժերն են, որոնք անհրաժեշտ է ուժեղացնել։ Այս մասին ասել է Եվրոպական խորհրդի նախագահ Անտոնիո Կոշտան առցանց խորհրդակցությունից հետո, որի ժամանակ Եվրամիության անդամները քննարկել են նախօրեին Վաշինգտոնում կայացած բանակցությունները:
«Ուկրաինայի ապագան կախված է ոչ միայն անվտանգության հուսալի երաշխիքներից և Ռուսաստանի հետ հնարավոր խաղաղ գործարքի կնքումից, այլև նրա եվրոպական ուղուց։ Այդ պատճառով մենք պետք է առաջ շարժվենք Եվրամիության ընդլայնման գործընթացում»,- հավելել է Կոշտան։
Նա նաև ասել է, որ առաջին քայլը պետք է լինի Ռուսաստանի կողմից բռնության դադարեցումը։
«Անկախ նրանից, թե մենք դա կանվանենք հրադադար, թե զինադադար, դա այնքան էլ կարևոր չէ։ Կարևոր է, որ մենք շարունակենք պատժամիջոցների միջոցով ճնշում գործադրել Ռուսաստանի վրա, եթե նա չհամագործակցի»,- հայտարարել է Եվրախորհրդի նախագահը։
ԵՄ առաջնորդների հանդիպումից հետո Կոշտան զանգահարել է Ուկրաինայի նախագահ Վլադիմիր Զելենսկիին։
«Մենք կարևոր քայլ ենք կատարել այս պատերազմի ավարտի և՛ Ուկրաինայի, և՛ ամբողջ Եվրոպայի անվտանգության ապահովման համար»,- մեկնաբանել է Զելենսկին Եվրախորհրդի նախագահի հետ զրույցը:
