17.02.2026 | 10:19
Նիկոլ Փաշինյանը և Աննա Հակոբյանը իրենց ամուսնությունը գրանցել են
Թրամփը Ուկրաինային անվտանգության «հզոր» երաշխիքներ է խոստանում
18.08.2025 | 21:56
ԱՄՆ նախագահ Դոնալդ Թրամփը Ուկրաինային անվտանգության «հզոր» երաշխիքներ և «շատ օգնություն» է խոստանում։
«Շատ, շատ օգնություն կլինի անվտանգության հարցերում։ Շատ օգնություն կլինի: Դա լավ կլինի»,- ասել է Թրամփը Ուկրաինայի նախագահ Վլադիմիր Զելենսկիի հետ հանդիպման ժամանակ։
Ընդ որում, նա մերժել է ՆԱՏՕ-ին Ուկրաինայի անդամակցության հնարավորությունը։ ԱՄՆ նախագահը նաև Եվրոպան անվանել է պաշտպանության առաջին գիծ և հավելել, որ իր երկիրը նույնպես պատրաստվում է օգնել:
Հարցին, թե որքան օգնություն է Վաշինգտոնը պատրաստ փոխանցել Կիևին, Թրամփն ասել է. «Մենք հիմա Ուկրաինային ոչինչ չենք տալիս, մենք զենք ենք վաճառում»: Նա նաև հայտարարել է, որ չի ցանկանում «ոչ մի հրադադար», այլ ցանկանում է հրադադար և երկարատև խաղաղություն:
Վլադիմիր Զելենսկին հայտարարել է Ուկրաինայում նախագահական ընտրություններ անցկացնելու պատրաստակամության մասին, եթե կնքվի խաղաղության պայմանագիր և համաձայնություն ձեռք բերվի անվտանգության երաշխիքների վերաբերյալ:
«Ես սիրում եմ ուկրաինացիներին, ես սիրում եմ բոլոր մարդկանց, ես սիրում եմ ռուսներին։ Եվ ուզում եմ կանգնեցնել այդ պատերազմը»,- հավելել է ԱՄՆ նախագահը։ Քաղաքական գործիչները հեռացել են երկկողմ բանակցությունների։
