29.04.2026 | 12:17
Թրամփի դիմանկարը՝ ամերիկյան անձնագրի շապիկին
Գերմանիան անվտանգության երաշխիքներ է պահանջում Ուկրաինայի համար
Քաղաքականություն
18.08.2025 | 12:45
ԱՄՆ նախագահ Դոնալդ Թրամփի, Ուկրաինայի նախագահ Վլադիմիր Զելենսկիի ու եվրոպացի առաջնորդների միջև օգոստոսի 18-ին Վաշինգտոնում կայանալիք բանակցությունների կենտրոնական հարցը, ըստ Բեռլինի, պետք է լինեն Կիևի անվտանգության երաշխիքները, գրում է DW-ի ռուսական ծառայությունը։
«Անվտանգության ամուր երաշխիքները կարևոր են»,- Տոկիոյում իր ճապոնացի գործընկեր Տակեշի Իվայայի հետ հանդիպման ժամանակ հայտարարել է Գերմանիայի արտգործնախարար Յոհան Վադեֆուլը:
Նա շեշտել է, որ Ուկրաինան պետք է կարողանա արդյունավետորեն պաշտպանվել նույնիսկ հրադադարից և խաղաղությունից հետո: Գերմանիայի արտգործնախարարը ողջունել է Թրամփի հայտարարած նպատակը՝ վերջ դնել Ուկրաինայում մարդկային կորուստներին:
«Արդար ու երկարատև խաղաղության հասնելու համար Մոսկվան վերջապես պետք է գործի: Մինչ դա տեղի ունենա՝ Ռուսաստանի վրա ճնշումը պետք է ուժեղացվի, այդ թվում՝ Ուկրաինային տրամադրվող օգնության ավելացման միջոցով»,- հավելել է նա:
Օգոստոսի 15-ին տեղի ունեցավ ԱՄՆ-ի և Ռուսաստանի նախագահների միջև չորս տարվա ընթացքում առաջին հանդիպումը։ Կողմերը զրույցը որակել են կառուցողական, սակայն Ուկրաինայում պատերազմը վերաբերյալ որևէ համաձայնության չեն հասել։
Թրամփը հայտարարել է օգոստոսի 18-ին Սպիտակ տանը Վլադիմիր Զելենսկիի հետ հանդիպման մասին։ Ուկրաինայի նախագահն արդեն Միացյալ Նահանգներում է։ Թրամփի հետ հանդիպմանը նրան կուղեկցեն մի շարք եվրոպացի առաջնորդներ, այդ թվում՝ Գերմանիայի կանցլեր Ֆրիդրիխ Մերցը և եվրահանձնակատար Ուրսուլա ֆոն դեր Լեյենը։
