29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
Իսրայելի կողմից սպառնալիքները վտանգ են ներկայացնում Սիրիայի ինքնիշխանության համար․ ԱԳ նախարար
Քաղաքականություն
13.08.2025 | 17:13
Դրուզները սիրիական հասարակության մաս են կազմում, և նրանց որևէ կերպ անտեսելու մտադրություն չկա։ Այս մասին հայտարարել է Սիրիայի արտգործնախարար Հասան ալ-Շիբանին Անկարայում իր թուրք գործընկեր Հաքան Ֆիդանի հետ համատեղ մամուլի ասուլիսում, գրում է Անադոլու գործակալությունը։
Նրա խոսքով՝ Սուեյդա նահանգում տեղի ունեցող իրադարձություններն ուղղված է սիրիացի ժողովրդի դեմ։
«Այն, ինչ տեղի է ունենում Սուեյդայում, իհարկե, տեղի է ունենում Սիրիայում և ուղղված է մեր ժողովրդի դեմ։ Մեր պետությունը պատասխանատու է նրանց համար։ Սիրիայում տեղի ունեցողը Իսրայելի ձեռքի գործն է»,- հայտարարել է սիրիացի պաշտոնյան։
Ալ-Շիբանին նաև հիշեցրել է Սիրիայում երկարատև պատերազմը՝ նշելով ենթակառուցվածքների և ինստիտուտների հետ կապված լուրջ խնդիրները։
«Այսօր Սիրիան բախվում է նոր իրականությունների։ Ինչպես նախորդ տարիներին՝ Իսրայելի կողմից կրկնվող սպառնալիքները վտանգ են ներկայացնում Սիրիայի ինքնիշխանության համար։ Դրանք սպառնում են մեր քաղաքացիների անվտանգությանը»,- ասել է նա։
Անդրադառնալովուղղակի և անուղղակի արտաքին գործոններին՝ ալ-Շիբանին պնդել է, թե «Սիրիան բաժանելու ցանկություն կա»։
