07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Թրամփ-Պուտին հանդիպումը տեղի կունենա Ալյասկայի Անքորիջ քաղաքում
Քաղաքականություն
13.08.2025 | 10:55
Միացյալ Նահանգների և Ռուսաստանի նախագահների՝ օգոստոսի 15-ին նախանշված բանակցությունները տեղի կունենան Ալյասկայի ամենամեծ քաղաքում՝ Անքորիջում։ Current time-ի փոխանցմամբ՝ այս մասին հայտնել է Սպիտակ տան մամուլի քարտուղար Քերոլայն Լևիթը։
«Դոնալդ Թրամփը վճռականորեն է տրամադրված՝ փորձել վերջ դնել այս պատերազմին և դադարեցնել սպանությունները»,- ճեպազրույցի ժամանակ ասել է Լևիթը։
Անքորիջն Ալյասկայի ամենամեծ քաղաքն է, գտնվում է նահանգի հարավային մասում։ Այստեղ ապրում է ավելի քան 290 հազար մարդ, ինչը կազմում է նահանգի բնակչության շուրջ 40 տոկոսը։
Ավելի վաղ Ռուսաստանի ԱԳՆ-ն նախարարությունը հայտնել էր, որ արտգործնախարար Սերգեյ Լավրովը և ԱՄՆ պետքարտուղար Մարկո Ռուբիոն հեռախոսազրույց են ունեցել։ Նրանք քննարկել են Պուտինի և Թրամփի միջև Ալյասկայում կայանալիք հանդիպման նախապատրաստական աշխատանքները։
