17.02.2026 | 23:22
ՀՀ ԱԳ նախարարի տեղակալը Հռոմում ներկայացրել է COP17-ի Հայաստանի նախագահության առաջնահերթությունները
Ազգային գվարդիայի ծառայողները Վաշինգտոնում կկարողանան ձերբակալել մարդկանց. NYT
Քաղաքականություն
12.08.2025 | 17:23
Վաշինգտոնում Ազգային գվարդիայի զինծառայողները որոշ դեպքերում կկարողանան ձերբակալել մարդկանց։ Այս մասին գրում է The New York Times-ը՝ վկայակոչելով ԱՄՆ պաշտպանության նախարարության աղբյուրներին։
«Ինչպես Լոս Անջելեսում, Վաշինգտոնում գտնվող զորքերը, հավանաբար, կկարողանան որոշ դեպքերում ժամանակավորապես ձերբակալել մարդկանց՝ մինչև դաշնային գործակալների ժամանումը»,- ասվում է հրապարակման մեջ։
Պենտագոնն այսօր հայտարարեց Ազգային գվարդիայի 800 զինծառայողի Վաշինգտոն ուղարկելու մասին՝ հանցագործության դեմ պայքարելու համար։ Նրանց պարտականությունները ներառում են վարչական և լոգիստիկ գործառույթներ, ինչպես նաև ֆիզիկական ներկայություն՝ իրավապահ մարմիններին աջակցելու համար։ ԱՄՆ պաշտպանության նախարար Փիթ Հեգսեթը նշել է, որ Ազգային գվարդիա և հատուկ նշանակության այլ լրացուցիչ ուժեր են պատրաստվել՝ մայրաքաղաք ուղարկելու համար։
Օգոստոսի 7-ին ԱՄՆ նախագահ Դոնալդ Թրամփը առաջին անգամ հայտարարեց Վաշինգտոն Ազգային գվարդիայի զինծառայողների ուղարկելու հնարավորության մասին։ Պատճառների թվում են, ըստ Թրամփի, հանցագործության աճը և Կառավարության արդյունավետության դեպարտամենտի (DOGE) նախկին աշխատակից Էդվարդ Կորիստինի վրա վերջերս կատարված հարձակումը։
Սպիտակ տան ղեկավարը նաև հրահանգել է ավելացնել քաղաքում դաշնային անվտանգության ուժերի ներկայությունը։
