22.02.2026 | 16:38
Ուկրաինայի ուղղությամբ արձակվել է գրեթե 300 հարվածային դրոն․ Զելենսկի
Համացանցում անհեթեթության հասնող ենթադրություններ են շրջանառվում․ Նազելի Բաղդասարյան
Հասարակություն
11.08.2025 | 00:28
Համացանցում անհեթեթության հասնող ենթադրություններ են շրջանառվում, թե իբր վարչապետ Փաշինյանը Վաշինգտոնում դեմ է արտահայտվել Ադրբեջանում անազատության մեջ գտնվող մեր հայրենակիցների կամ նրանց մի մասի վերադարձին։ Այս մասին գրառում է կատարել վարչապետի մամուլի քարտուղար Նազելի Բաղդասարյանը։
«Վարչապետը բազմիցս նշել է, որ ՀՀ ներկայացուցիչները տարբեր ձեւաչափերի իրենց հանդիպումներում շարունակաբար բարձրացնում են այդ հարցը եւ փնտրում լուծումներ։
ԱՄՆ նախագահ Դոնալդ Թրամփի հետ հանդիպմանը հարցը քննարկման առարկա է դարձել հենց վարչապետ Փաշինյանի նախաձեռնությամբ։
Ընդ որում, վարչապետը հարցի մասին խոսել է ամբողջության մեջ եւ ոչ թե մասնակի»,-նշել է նա։
Հիշեցնենք՝ ավելի վաղ հայտնել ենք, որ համացանցում տարածվել է մի տեսանյութ Նիկոլ Փաշինյանի և Դոնալդ Թրամփի հանդիպումից։ ԱՄՆ նախագահը Սպիտակ տանը հայկական պատվիրակության անդամների հետ հանդիպմանը խոսում է Բաքվում պահվող 23 հայ քրիստոնյաների մասին՝ ընդգծելով, որ կխնդրի ազատ արձակել նրանց:
Հավանաբար, այդ խնդրանքն ուղղված էր լինելու Իլհամ Ալիևին։ Հաշվի առնելով, որ Թրամփ-Ալիև հանդիպումը կայացել է Թրամփ-Փաշինյան հանդիպումից հետո, կարելի է ենթադրել, որ ԱՄՆ նախագահը հայ գերիներին ազատ արձակելու խնդրանքը պիտի որ փոխանցած լինի Ադրբեջանի նախագահին։
Վարչապետ Նիկոլ Փաշինյանը եռակողմ հանդիպումից հետո հայ գերիների ազատ արձակման մասին խոսելով նշել էր, որ չի ցանկանում նախապես հայտարարություններ անել՝ անցյալի բացասական փորձը հաշվի առնելով։
