15.02.2026 | 14:43
Մայր Աթոռը լինելու է Հայաստանում, եթե նույնիսկ ոմանց պատճառով Հայաստանի Հանրապետությունը չլինի. Նաթան արքեպիսկոպոս Հովհաննիսյան
Երևանի և Բաքվի միջև խաղաղության առաջընթացն օգտակար է ողջ տարածաշրջանի համար. Էրդողան
Քաղաքականություն
09.08.2025 | 20:00
Թուրքիայի նախագահ Ռեջեփ Թայիփ Էրդողանն իր ադրբեջանցի գործընկեր Իլհամ Ալիևի հետ հեռախոսազրույցում հայտարարել է, որ Երևանի և Բաքվի միջև խաղաղության առաջընթացն օգտակար է ողջ տարածաշրջանի համար: Այս մասին հայտնել է Թուրքիայի նախագահի աշխատակազմը:
«Նախագահ Էրդողանը հայտարարել է, որ Ադրբեջանի և Հայաստանի միջև խաղաղության ճանապարհին առաջընթացը գոհունակություն է առաջացնում, իսկ կայուն խաղաղությունն ու կայունությունը, որոնք սահմանված են որպես նպատակ, կնպաստեն ողջ տարածաշրջանի խաղաղությանն ու կայունությանը»,- հայտնել է վարչակազմը:
Էրդողանի խոսքով՝ Անկարան շարունակելու է անհրաժեշտ օգնություն ցուցաբերել դրված նպատակին հասնելու համար։
Հիշեցնենք, որ նախօրեին Սպիտակ տանը կայացած Հայաստանի Հանրապետության վարչապետ Նիկոլ Փաշինյանի, Ամերիկայի Միացյալ Նահանգների նախագահ Դոնալդ Թրամփի և Ադրբեջանի Հանրապետության նախագահ Իլհամ Ալիևի եռակողմ հանդիպմանը ստորագրվել է Ադրբեջանի Հանրապետության նախագահի, Հայաստանի Հանրապետության վարչապետի և Ամերիկայի Միացյալ Նահանգների նախագահի համատեղ Հռչակագիրը` Ամերիկայի Միացյալ Նահանգների մայրաքաղաք Վաշինգտոնում տեղի ունեցած հանդիպման արդյունքների մասին: Վարչապետը ներկայացրել է հռչակագրի տեքստը։
