29.04.2026 | 17:33
Ազատ ոճի ըմբշամարտի Հայաստանի հավաքականն ամփոփել է Եվրոպայի առաջնությունը․ ՏԵՍԱՆՅՈՒԹ
Մենք ցանկանում ենք խաղաղություն, կապ և հաղորդակցություն, մեր երկրների միջև ինտեգրացիա ենք ուզում․ Ալիև
Քաղաքականություն
09.08.2025 | 10:24
«Այսօրվա փաստաթուղթը, որը ստորագրվել է Հայաստանի և Ադրբեջանի միջև, հստակ և հստակորեն ազդարարրում է մեր մտադրությունը։ Այն հայտարարում է, որ մենք ցանկանում ենք խաղաղություն, մենք ցանկանում ենք կապ և հաղորդակցություն։ Մենք մեր երկրների միջև ինտեգրացիա ենք ցանկանում,- ԱՄՆ կատարած այցի արդյունքների վերաբերյալ ադրբեջանական ԶԼՄ-ներին տված հարցազրույցում ասել է Ադրբեջանի նախագահ Իլհամ Ալիևը, հաղորդում է APA գործակալությունը։
Ալիևը նշել է, որ պետք է Ադրբեջանի և Նախիջևանի միջև անվտանգ անցում ապահովվի։
«Սա նաև օգուտ կբերի Հայաստանին։ Հայաստանի վարչապետի հետ իմ զրույցներից մեկի ժամանակ ես ասացի, որ Հայաստանը կդառնա տարանցիկ երկիր։ Դուք չգիտեք, թե ինչ է նշանակում լինել տարանցիկ երկիր, և դուք կարող եք դառնալ այդպիսին միայն Ադրբեջանի միջոցով։ Առանց Ադրբեջանի անհնար է դրան հասնել, և դուք նույնպես կտեսնեք դրա օգուտները։ Մենք ցանկանում ենք դառնալ լուրջ և ուժեղ տարանցիկ երկիր։ Մենք ցանկանում ենք միջանցքներ, որոնք անցնում են մեր տարածքով։ Սրանք այն հնարավորություններն են, որոնք Հայաստանին ներկայում պակասում են»,- ասել է Ադրբեջանի նախագահը։
Նրա խոսքով՝ այս երթուղին, որը կկրի Թրամփի անունը, պատմական նվաճում կլինի։
«Բայց մենք չպետք է ժամանակ կորցնենք։ Միացյալ Նահանգները կհսկի այս երթուղին, և ես հույս ունեմ, որ ներդրողները կգան։ Ներդրողները կձեռնարկեն այս կապի հաստատումը և, վերջին հաշվով, տարածաշրջանի բոլոր երկրները կշահեն դրանից»,- նշել է Ալիևը։
Հիշեցնենք, որ Վաշինգտոնում տեղի է ունեցել ՀՀ-ի և Ադրբեջանի միջև խաղաղության համաձայնագրի նախաստորագրումը։
