03.07.2026 | 17:43
Հայաստանցի բասկետբոլիստն ընտրվել է NBA G League International Draft-ում
Հալաբյան փողոցում ենթակայան ու շենքի տանիքի փայտե կառուցատարրեր են այրվել
08.08.2025 | 09:44
Օգոստոսի 7-ին, ժամը 16:50-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Հալաբյան փողոցի շենքերից մեկի մոտակայքում այրվում է ենթակայան։ Այս մասին հայտնում են ՆԳՆ փրկարար ծառայությունից։
Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երկու մարտական հաշվարկ բժշկական ապահովման հերթապահ և Ճգնաժամային կառավարման ազգային կենտրոնի օպերատիվ խմբերը։
Պարզվել է, որ հրդեհ է բռնկվել շենքի 1-ին հարկում գտնվող ենթակայանում, որը տարածվել է վերին հարկեր և տանիք:
Հրդեհը մեկուսացվել է ժամը 17։26-ին, մարվել՝ 18։44-ին։
Այրվել են ենթակայանը, շենքի 2-րդ հարկի բնակարաններից մեկի փակ պատշգամբի պատուհանը, շենքի տանիքի փայտե կառուցատարրերը (մոտ 1․5 քմ), ջերմահարվել՝ մի շարք բնակարանների պատշգամբների պատուհանները:
