14.02.2026 | 12:02
Ներում կշնորհե՞ք Ղարաբաղի ղեկավարներին․ լրագրողը՝ Ալիևին
Ալիևը նահանջել է ինչ-որ հարցերում․ ի՞նչ եղավ այն նախապայմանը, որ որևէ արևմտյան միջնորդ չի լինելու․ Էդգար Վարդանյան. ՏԵՍԱՆՅՈՒԹ
Քաղաքականություն
07.08.2025 | 17:15
ԱՄՆ-ում Փաշինյան-Ալիև հանդիպումը մյուսներից տարբերվում է նրանով, որ սա ոչ այնքան բանակցությունների մասին է, որքան բանակցությունների ինչ-որ փուլի ավարտի արձանագրման։ Factor TV-ի հետ զրույցում նման կարծիք է հայտնել քաղաքագետ Էդգար Վարդանյանը։
«Ալիևն ասում էր՝ ոչ մի միջնորդ, նախապայմաններ էր առաջ քաշում, հիմա հարց է առաջանում՝ ի՞նչ եղան այդ նախապայմանները, ի՞նչ եղավ այն նախապայմանը, որ որևէ արևմտյան միջնորդ չի լինելու, ինչ-որ համաձայնություն տվել է, նահանջել է»,- ասաց քաղաքագետը։
Ըստ նրա՝ Վաշինգտոնում նախատեսված բանակցություններով ԱՄՆ-ը ցույց է տալիս, որ ամուր դիրքեր ունի Հարավային Կովկասում։
«Տարիներ շարունակ ասվում էր, որ առանց ՌԴ-ի ոչ մի բան չի լինի։ Հիմա տեսնում ենք, որ ՌԴ-ի մասնակցությունը չկա, չի երևում, ռուսական միջնորդություն չկա, կա ամերիկյան միջնորդություն։ Հիմա ի՞նչ հարաբերություններ կան Ադրբեջանի և Ռուսաստանի միջև, աննախադեպ վատ, Ադրբեջանը ՌԴ-ի շահերին ոչ համապատասխան քայլեր է կատարում»,-ասաց նա։
Հարցազրույցն ամբողջությամբ՝ տեսանյութում։
Նարեկ Կիրակոսյան
