08.08.2026 | 12:34
Փաշինյանն ու Ալիևը հեռախոսազրույց են ունեցել
Իրանի նախագահը երկու շաբաթից Հայաստան կայցելի
Քաղաքականություն
07.08.2025 | 10:18
Իրանի նախագահ Մասուդ Փեզեշքիանն առաջիկայում կայցելի Հայաստան, ինչպես նաև Չինաստան։Այս մասին հայտարարել է Իրանի ԱԳ նախարար Աբբաս Արաղչին, փոխանցում է Mehr գործակալությունը։
«Մասուդ Փեզեշքիանը նախատեսվում է երկու շաբաթից այցելել Հայաստան»,- ասել է նա։
Արաղչին նաև նշել է, որ Փեզեշքիանի այցը Չինաստան կկայանա հաջորդ ամիս՝ մասնակցելու Շանհայի համագործակցության կազմակերպության ղեկավարների գագաթնաժողովին։
Փեզեշքիանի նախորդ ուղևորությունների շարքում են Իրաքը, Ադրբեջանը, Թուրքմենստանը, Տաջիկստանը, Օմանը, Կատարը, Ռուսաստանը, Եգիպտոսը և Պակիստանը:
Հայաստան այցի օրակարգից Արաղչին մանրամասներ չի հայտնել։
Թարգմանությունը՝ Էմմա Չոբանյանի
