06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Ռոստովում ԱԹՍ-ների հարձակման հետևանքով վնասվել է էլեկտրահաղորդման գիծը, բազմաթիվ բնակարաններ մարդիկ մնացել են առանց էլեկտրաէներգիայի․ ՏԵՍԱՆՅՈՒԹ
Քաղաքականություն
06.08.2025 | 13:02
Ռուսաստանի Ռոստովի մարզն օգոստոսի լույս 6-ի գիշերն անօդաչու թռչող սարքերի հարձակման է ենթարկվել։ ՌԴ Պաշտպանության նախարարության տվյալներով՝ տարածաշրջանի վրա խոցվել է 16 անօդաչու թռչող սարք, գրում է Current time-ը։
Նահանգապետի պաշտոնակատար Յուրի Սլյուսարը հայտնել է, որ Տացինսկայա բնակելի շենքի մոտ խոտ է բռնկվել, շենքի երեք ընտանիք տարհանվել է, ոչ ոք չի տուժել։ Astra-ն գրում է, որ հրդեհը տեղի է ունեցել երկաթուղային կայարանի տարածքում։ Տեղի բնակիչների խոսքով՝ այնտեղ բեռնատար ցիստեռններ կան։
Ռոստովի մարզի Ռոդիոնովո-Նեսվետայսկի շրջանի Զոլոտարևկա բնակավայրում վնասվել է էլեկտրահաղորդման գիծը, որի հետևանքով 87 տան գրեթե 200 բնակիչ մնացել է առանց էլեկտրաէներգիայի: Շրջանի մի քանի բնակավայրեր միացվել են պահեստային էլեկտրամատակարարման: Էլեկտրամատակարարման ընդհատումների պատճառով խափանվել է «Տալովայա Բալկա» ջրառի աշխատանքը, գրել է Սլյուսարը:
Կամենսկի շրջանում անօդաչու թռչող սարք է ընկել ճանապարհին՝ Պոգորելովի բնակավայրի մոտ գտնվող ավտոբուսի կանգառի մոտ։ Պայթուցիկ սարքը վնասազերծելու համար կանչվել է սակրավորների խումբ։ Երեք երթուղիներով հասարակական տրանսպորտի գործունեությունը դադարեցվել է։
Ռուսաստանի ՊՆ-ն հայտնել է, որ ևս 16 անօդաչու թռչող սարք է խոցվել Բրյանսկի մարզում, 12-ը՝ բռնակցված Ղրիմում, 4-ը՝ Վորոնեժի մարզում և 3-ը՝ Օրյոլի։
Թարգմանությունը՝ Էմմա Չոբանյանի
