29.04.2026 | 17:33
Ազատ ոճի ըմբշամարտի Հայաստանի հավաքականն ամփոփել է Եվրոպայի առաջնությունը․ ՏԵՍԱՆՅՈՒԹ
Վրաստանն ու Ադրբեջանը ռազմավարական գործընկերության ընդլայնման հարցեր են քննարկել
Քաղաքականություն
05.08.2025 | 19:44
Աշխատանքային այցով Թուրքմենստանի Թուրքմենբաշի քաղաքում գտնվող Ադրբեջանի վարչապետ Ալի Ասադովը հանդիպել է Վրաստանի վարչապետ Իրակլի Կոբախիձեի հետ։ Ադրբեջանական կողմի հաղորդմամբ՝ կողմերը գոհունակություն են հայտնել Ադրբեջանի և Վրաստանի միջև տարբեր ոլորտներում ռազմավարական գործընկերության բարձր մակարդակի կապակցությամբ, և քննարկվել են առևտրատնտեսական, ներդրումային, տրանսպորտի և տարանցման, էներգետիկայի, հումանիտար և այլ ոլորտներում փոխշահավետ համագործակցության ընդլայնման հարցեր:
Վրացական կողմի հաղորդմամբ՝ հանդիպման ընթացքում քննարկվել է Վրաստանի և Ադրբեջանի միջև ռազմավարական գործընկերությունը, ընդգծվել է տարբեր ուղղություններով համագործակցության զարգացման դրական դինամիկան։
«Հիմնական ուշադրությունը կենտրոնացած է եղել տարածաշրջանային նշանակության համատեղ նախագծերի դերի ուղղությամբ։ Զրույցի ընթացքում անդրադարձ է կատարվել տարածաշրջանային գործընթացներին, ընդգծվել է խաղաղության և կայունության հատուկ կարևորությունը։ Վարչապետ Իրակլի Կոբախիձեն ևս մեկ անգամ հաստատել է Վրաստանի պատրաստակամությունը՝ երկխոսության և դիվանագիտության միջոցով նպաստելու տարածաշրջանում երկարատև խաղաղության ապահովմանը»,- ասվում է հաղորդագրության մեջ։
Հավելենք, որ Թուրքմենբաշիում ընթանում է «Դեպի ծով ելք չունեցող երկրների երրորդ համաժողովը», որը տևելու է մինչև օգոստոսի 8-ը։
Թարգմանությունը՝ Էմմա Չոբանյանի
