17.02.2026 | 01:59
Կարինա Ակոպովան ու Նիկիտա Ռախմանինը 14-րդ տեղը գրավեցին ձմեռային Օլիմպիական խաղերում
Պուտինը չի բացառում Զելենսկիի հետ հանդիպումը. Պեսկով
Քաղաքականություն
04.08.2025 | 15:39
ՌԴ նախագահ Վլադիմիր Պուտինը չի բացառում Ուկրաինայի նախագահ Վլադիմիր Զելենսկիի հետ հանդիպման հնարավորությունը՝ փորձագիտական մակարդակով անհրաժեշտ աշխատանքից հետո։ Այս մասին հայտարարել է Ռուսաստանի ղեկավարի մամուլի քարտուղար Դմիտրի Պեսկովը, գրում է ՌԻԱ Նովոստին։
«Ցանկանում եմ հիշեցնել, որ նախագահն ինքը մշտապես չի բացառում նման հանդիպման անցկացման հնարավորությունը, այն բանից հետո, երբ աշխատանքի անհրաժեշտ մասն իրականացվի փորձագիտական մակարդակով և անհրաժեշտ հեռավորությունը հաղթահարվի»,- լրագրողներին ասել է Պեսկովը՝ պատասխանելով հարցին՝ հնարավո՞ր է, արդյոք, Պուտինի և Զելենսկիի հանդիպումը հիմա և արդյո՞ք նախապատրաստական աշխատանքներ են տարվել նման հանդիպման համար։
Ավելի վաղ Պուտինը հայտարարել էր, որ ուկրաինական հարցի վերաբերյալ Ռուսաստանի պայմանները, որոնք հայտարարվել էին 2024 թվականի ամռանը, մնում են անփոփոխ։ Նա նշել էր՝ եթե Կիևը կարծում է, որ առայժմ անհրաժեշտություն չկա Մոսկվայի հետ գործ ունենալ, Ռուսաստանը կարող է սպասել։ Նա նաև ընդգծել էր Ուկրաինայում երկարաժամկետ խաղաղություն հաստատելու անհրաժեշտությունը՝ առանց որևէ ժամանակային սահմանափակման։
Հիշեցնենք, որ հուլիսի 23-ին Ստամբուլում տեղի է ունեցել ուկրաինական կարգավորման շուրջ ռուս-ուկրաինական ուղիղ բանակցությունների երրորդ փուլը:
Թարգմանությունը՝ Էմմա Չոբանյանի
