«Դավիթս ասել ա՝ կարող ա էլ չզանգեմ»․ Կարմիր խաչը հեռանում է Բաքվից․ ՏԵՍԱՆՅՈՒԹ

Լուրեր

17.11.2026 | 23:25
Հայաստանի մի շարք հասցեներում էլեկտրաէներգիայի անջատումներ կլինեն
17.11.2026 | 23:10
25-ամյա հետախուզվողը հայտնաբերվել և ձերբակալվել է մայրաքաղաքում
17.11.2026 | 22:53
Սևանա լճի մակարդակը մեկ շաբաթում նվազել է 1 սանտիմետրով
17.11.2026 | 22:39
Ադրբեջանում առաջարկում են է՛լ ավելի խստացնել ՀԿ-ների գործունեությանը վերաբերող օրենսդրությունը
17.11.2026 | 22:22
Կյանքից հեռացել է ՀՀ ժողովրդական արտիստ Հակոբ Ազիզյանը
17.11.2026 | 22:08
Դատարանը վարույթ ընդունեց հայցադիմումը․ ընտրություններից 12 օր առաջ ԸԸՀ-ն պահանջում է չեղարկել թեկնածուի գրանցումը
17.11.2026 | 21:56
ԱՄՆ-ն խստացնում է արհեստական բանականության առաջադեմ չիպերի արտահանման կանոնները՝ Nvidia-ի ղեկավարի շուրջ սկանդալից հետո
17.11.2026 | 21:40
Ադրբեջանն ու Վրաստանը համատեղ զորավարժությունների անցկացման հարցեր են քննարկել
17.11.2026 | 21:28
Տեղի են ունեցել ՀՀ-ԳԴՀ պաշտպանական խորհրդակցությունները
17.11.2026 | 21:15
Ընդդիմությունն ունի բոլոր շանսերը՝ թույլ չտալու սահմանադրական հանրաքվե, հուսանք՝ մանդատագողություն չի լինի․ Դավիթ Խաժակյան. ՏԵՍԱՆՅՈՒԹ
17.11.2026 | 21:08
Ինչ է քննարկվել «Հարավկովկասյան երկաթուղու» կոնցեսիոն կառավարման հարցով հանդիպմանը
17.11.2026 | 20:56
Աննա Հակոբյանն ընդվզման կոչ է անում․ ով է պատասխանատու խցանումների համար. ՏԵՍԱՆՅՈՒԹ
17.11.2026 | 20:44
Լրագրողական հետաքննությունը բացահայտել է Deutsche Bank-ի կապերը ռուսաստանցի օլիգարխների, Ջեֆրի Էփշթեյնի և Դոնալդ Թրամփի հետ
17.11.2026 | 20:30
Ունեմ վարկած՝ Արմեն Գրիգորյանը կատարում է Փաշինյանի հանձնարարությունը՝ պատրաստելու շրջադարձն արևմտամետ կուրսից․ Լևոն Զուրաբյան. ՏԵՍԱՆՅՈՒԹ
17.11.2026 | 20:19
20։10-ի դրությամբ, Նոյեմբերյանի և Բերդի տարածաշրջանների ավտոճանապարհներին մառախուղ է
Բոլորը

Նելսոն Ալավերդյանը երեկ է հեռախոսով խոսել Բաքվի բանտում պահվող որդու հետ։ Դավիթը կարճ զրույցի ընթացքում հայտնել է, որ մեկուկես ամիս առաջ իրենց այցելած Կարմիր Խաչից ասել են՝ այցը վերջինն է լինելու. Կոմիտեի Բաքվի գրասենյակն առաջիկայում կդադարեցնի իր գործունեությունը, քանի որ Ադրբեջանը պայմանագիրը երկարացնելու մտադրություն չունի: Գերիների ու պահվող անձանց հարազատները տարակուսած են։

Նելսոն Ալավերդյանի որդին՝ Դավիթը, Ստեփանակերտի համալսարանում դասախոս է աշխատել։ Յուրաքանչյուր ամիս կամավոր մեկնել է դիրքեր՝ ծննդավայր Սզնեքը պաշտպանելու։ 2023-ի սեպտեմբերին Ադրբեջանի բանակի հարձակման ժամանակ ևս մարտական դիրքում է եղել։ Տևական ժամանակ կապի դուրս չի եկել ընտանիքի հետ․ հոկտեմբերի 7-ին Ալավերդյանները ստացել են սպասված զանգը, բայց արդեն Բաքվից։ Ադրբեջանի իշխանությունները Դավիթին մեղադրում են «ահաբեկչության, ապօրինի զինված խմբավորում ստեղծելու, ապօրինի զենք-զինամթերք ձեռք բերելու պահելու» համար։ 

Կարմիր Խաչի միջազգային կոմիտեի հայաստանյան գրասենյակի հաղորդակցության ծրագրերի պատասխանատու Զառա Ամատունին Factor TV-ի հետ զրույցում նշեց՝ Բաքվի գրասենյակի գործունեության դադարեցման մասին առաջիկայում պաշտոնական հաղորդագրություն կտարածվի։

Իսկ ինչպե՞ս է հետագայում իրականացվելու Բաքվում պատանդառված հայերի կապը հարազատների հետ։ Ամատունին նշում է՝ դեռևս բանակցություններ են ընթանում։

Քանի դեռ չկա վերջնական հստակություն, գերեվարված անձինք, փաստացի, ամբողջովին մեկուսացված են Բաքվի բանտում, ասում է իրավապաշտպան Սիրանուշ Սահակյանը։

Միջազգային մարդասիրական իրավունքն արգելում է գերեվարված անձանց պահել բացարձակ մեկուսացվածության մեջ՝  անկախ կառույցների հետ շփվելու հնարավորությունից զրկված։

Ադրբեջանը Կարմիր Խաչին, այսպես ասած, փոխարինող կառույց է որոշել ստեղծել․ պաշտոնական Բաքուն հայտարարել է Խոշտանգումների դեմ պայքարի Ադրբեջանի կոմիտե հիմնելու մասին, որի ներկայացուցիչները պետք է այցելեն հայ պատանդներին։ Սահակյանը, սակայն, ընդգծում է՝ ավելի քան պարզ է, որ այդ կոմիտեն գործելու անկախություն չի ունենալու և ճշմարտությունը չի բարձրաձայնելու։

Ի՞նչ խնդիրներ առաջ կգան Բաքվում կառույցի փակմանը զուգահեռ և ի՞նչ եղանակով կապահովվի կապը պահվող անձանց ու գերիների հարազատների հետ, ըստ ամենայնի, հայտնի կդառնա սեպտեմբերին։ Այս պահին ԿԽՄԿ-ի Ադրբեջանի գրասենյակում տեխնիկական, հավաքման աշխատանքներ են իրականացվում։

Մանրամասները՝ տեսանյութում։

Ռոզա Վարդանյան