16.07.2026 | 19:52
Ադրբեջանը, Թուրքիան և Վրաստանը համատեղ զորավարժություններ կանցկացնեն
Թրամփը հայտարարել է, որ ուկրաինացի փախստականներին թույլ կտա ԱՄՆ-ում մնալ մինչև պատերազմի ավարտը
Քաղաքականություն
30.07.2025 | 15:31
ԱՄՆ նախագահ Դոնալդ Թրամփը հայտարարել է, որ, ամենայն հավանականությամբ, թույլ կտա ուկրաինացի փախստականներին մնալ Միացյալ Նահանգներում մինչև Ռուսաստանի կողմից Ուկրաինայի դեմ պատերազմի ավարտը։
«Մենք դա կանենք։ Մեզ մոտ շատ մարդիկ են եկել Ուկրաինայից, և մենք աշխատում ենք նրանց հետ»,- ասել է Թրամփը Վաշինգտոնում պատասխանելով DW-ի թղթակցի հարցին։
2022 թվականի փետրվարին Ուկրաինայի դեմ Ռուսաստանի պատերազմի մեկնարկից հետո Միացյալ Նահանգները սկսել է ապաստան տրամադրել ուկրաինացիներին Uniting for Ukraine (U4U) ծրագրի շրջանակում։ Այն թույլ է տալիս մուտք գործել երկիր այն ուկրաինացիներին, ովքեր հովանավորներ ունեն Միացյալ Նահանգներում։
Ամերիկյան Forbes ամսագիրը հունիսին հաղորդել է, որ այս ծրագրի շրջանակում հաստատվել է ավելի քան 236 հազար հովանավորության դիմում և, ընդհանուր առմամբ, Միացյալ Նահանգներ է ժամանել ավելի քան 187 հազար ուկրաինացի։
Մարտին՝ Թրամփի պաշտոնավարման երկրորդ ժամկետի սկզբում, Reuters-ը հաղորդել էր, որ աղբյուրների տվյալներով՝ ԱՄՆ կառավարությունը ծրագրում է զրկել մոտ 240,000 ուկրաինացի փախստականների օրինական կարգավիճակից, որոնք երկիր են ժամանել 2022 թվականից հետո: Սպիտակ տունը Reuters-ի հրապարակումը կեղծ էր անվանել էր։
Ապրիլին Ուկրաինայից փախստականները ԱՄՆ ներքին անվտանգության նախարարությունից էլեկտրոնային նամակ էին ստացել՝ խնդրանքով լքել երկիրը: Նախարարությունը հետագայում հայտարարել էր, որ էլեկտրոնային նամակը սխալմամբ է ուղարկվել:
Թարգմանությունը՝ Էմմա Չոբանյանի
