06.10.2026 | 11:31
Արի, տեսնեմ՝ ինչ ես ասում․ ԱԺ դահլիճում իրավիճակը դարձյալ լարվեց․ ՏԵՍԱՆՅՈՒԹ
Շմիգալը նշանակվել է Ուկրաինայի պաշտպանության նախարարի, Ումերովը՝ Ազգային անվտանգության և պաշտպանության խորհրդի քարտուղարի պաշտոնում
Քաղաքականություն
18.07.2025 | 12:16
Ուկրաինայի նախագահ Վլադիմիր Զելենսկին պաշտպանության նախկին նախարար Ռուստեմ Ումերովին նշանակել է Ազգային անվտանգության և պաշտպանության խորհրդի քարտուղար։ Համապատասխան հրամանագիրը հրապարակվել է Ուկրաինայի նախագահականի կայքում։
Ումերովը ՊՆ-ն ղեկավարում էր 2023 թվականի սեպտեմբերից։ Նրան համարում էին ԱՄՆ-ում Ուկրաինայի դեսպանի պաշտոնի հիմնական հավակնորդ, սակայն հուլիսի 17-ին հայտնի դարձավ, որ Վաշինգտոնում դիվանագիտական առաքելությունը կղեկավարի Օլգա Ստեֆանիշինան, որը նախկինում զբաղեցնում էր փոխվարչապետի և արդարադատության նախարարի պաշտոնները։
Մինչ նրա թեկնածության շուրջ համաձայնության գալը՝ Ստեֆանիշինան կլինի Ուկրաինայի նախագահի հատուկ ներկայացուցիչը ԱՄՆ-ի հետ համագործակցության զարգացման հարցերով։
Ռուստեմ Ումերովը գլխավորել էր ուկրաինական պատվիրակությունը Ռուսաստանի հետ Ստամբուլում կայացած բանակցություններում։
Միաժամանակ, Ուկրաինայի պաշտպանության նախարար է նշանակվել նախկին վարչապետ Դենիս Շմիգալը։
Հիշեցնենք, որ նախօրեին Ուկրաինայի Գերագույն ռադան նախօրեին հաստատել էր կառավարության թարմացված կազմը, նաև Շմիգալին՝ պաշտպանության նախարարի պաշտոնում։
Շմիգալը հրաժարական էր տվել վարչապետի պաշտոնից հուլիսի 15-ին։ Նրա փոխարեն կառավարությունը կղեկավարի Յուլիա Սվիրիդենկոն։
Թարգմանությունը՝ Էմմա Չոբանյանի
