Տնտեսություն
16.07.2025 | 12:32«Տարածաշրջանային տրանսպորտային հաղորդակցությունները վերաբացելու կամ ապաշրջափակելու մեր դիրքորոշումները մենք արտահայտել ենք վաղուց, որոնք արտահայտված են «Խաղաղության խաչմերուկ» համատեքստում։ Մեր դիրքորոշումն այն է, որ ՀՀ-ն շահագրգռված է և ուզում է տրանսպորտային ենթակառուցվածները տարածաշրջանում բացվեն, ներառյալ՝ Հայաստանից Հայաստան Ադրբեջանի տարածքով, Ադրբեջանից Ադրբեջան՝ ՀՀ-ի տարածքով, երկկողմ առևտրաշրջանառություն, միջազգային հաղորդակցություն ՀՀ-ից Ադրբեջանի տարածքով՝ 3-րդ երկրներ և տարանցիկ փոխանակում։ Այսինքն, մենք ցուցաբերում ենք շարունակական հետաքրքրվածություն և պատրաստակամություն»,- այս մասին հրավիրված ասուլիսի ժամանակ ասաց վարչապետ Նիկոլ Փաշինյանը։
Անդրադառնալով «արտապատվիրակմանը», վարչապետը նշեց՝ հենց այսօր ՀՀ-ում արտապատվիրակման շատ հայտնի դեպքեր կան, մի մասից գոհ ենք, մյուսից՝ դժգոհ ենք.
««Զվարթնոց» օդանավակայանի կառավարումն արտապատվիրակված է, և ես չեմ կարծում, որ այդտեղ, որևէ ձևով ՀՀ ինքնիշխանությունը և իրավազորությունը կամ տարածքային ամբողջականությունը խախտված է։ Ջրային համակարգի կառավարումն արտապատվիրակված է. նախկինում մենք ունեցել ենք փորձ «Հայփոստ»-ի արտապատվիրակման և այլն։ Սակայն, կարևոր է ընդգծել, որ այդ բոլոր կառույցները շարունակում են մնալ ՀՀ-ի սեփականությունը»։
Մանրամասները՝ տեսանյութում։
