07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Իրաքի հյուսիսում սկսվել է PKK-ի զինաթափման գործընթացը․ ՏԵՍԱՆՅՈՒԹ
Քաղաքականություն
11.07.2025 | 13:01
Քուրդիստանի աշխատավորական կուսակցությունն (PKK) այսօր Հյուսիսային Իրաքի քրդական Սուլեյմանիե շրջանում անցկացնելու է խորհրդանշական զինաթափման արարողություն, որը, ենթադրվում է, կնշանավորի Թուրքիայի դեմ 40-ամյա զինված հակամարտության ավարտը։ Թուրքական լրատվամիջոցների հաղորդմամբ՝ PKK-ի առաջին խմբի զինթափման գործընթացն արդեն ընթանում է։ Այն տեղի է ունենում Չեսանե քարանձավում։
Սպասվում է, որ արարողության տեսագրությունը հրապարակվելու են ավելի ուշ։
Երեկ երեկոյան Թուրքիայի Դիարբեքիրից այստեղ է մեկնել «Ժողովուրդների հավասարություն և ժողովրդավարություն» (DEM) կուսակցության կողմից կազմված շուրջ 140 հոգուց բաղկացած խումբը, որոնց թվում են քաղաքական գործիչներ, մտավորականներ, մարդու իրավունքների պաշտպաններ և լրագրողներ։
Խումբը կեսգիշերից հետո ժամանել է Էրբիլ, որին դիմավորել են Քուրդիստանի տարածաշրջանային կառավարության (KRG) պաշտոնյաները։
Զինաթափման արարողությանը ներկա են Սուլեյմանիեի նահանգապետ Հևալ Աբու Բաքրը, Իրաքի ներքին գործերի նախարարության ներկայացուցիչներ, Իրաքի Քուրդիստանի տարածաշրջանի ներքին գործերի նախարարության բրիգադի գեներալ Թարիք Ահմեդը և այլ պաշտոնյաներ։
Հիշեցնենք՝ ավելի վաղ հաղորդվել էր, որ Քուրդիստանի աշխատավորական կուսակցության (PKK)՝ զինված հակամարտությունից դուրս գալու խորհրդանշական մեկնարկը նշող արարողությունն ուղիղ եթերով չի հեռարձակվի, այն փակ կլինի մամուլի համար։
Թարգմանությունը՝ Էմմա Չոբանյանի
