19.02.2026 | 20:38
Կոնֆերենցիաների լիգա․ «Նոայի» մեկնարկային կազմը «ԱԶ Ալկմարի» դեմ խաղում
Արթուր Սարգսյանն անցնում է ապօրինի ծագում ունեցող գույքի գործով․ դատախազությունը հայց է ներկայացրել
Հասարակություն
10.07.2025 | 13:30
Հակակոռուպցիոն դատարանը վարույթ է ընդունել Գլխավոր դատախազության՝ ապօրինի ծագում ունեցող գույքի բռնագանձման վերաբերյալ հերթական հայցադիմումը: Այս մասին հայտնում են Գլխավոր դատախազությունից։
«Գլխավոր դատախազության ապօրինի ծագում ունեցող գույքի բռնագանձման գործերով վարչությունը պահանջ է ներկայացրել դատարանին՝ ՀՀ Ազգային ժողովի պատգամավոր Արթուր Լավրենտի Սարգսյանից և նրա հետ փոխկապակցված անձանցից հօգուտ Հայաստանի Հանրապետության բռնագանձել՝
- 6 անշարժ գույք.
- 2 շարժական գույք.
- 6 իրավաբանական անձում մասնակցություն.
- շուրջ 2 միլիոն դրամ՝ որպես ապօրինի ծագում ունեցող դրամական միջոցների մնացորդ:
Դատարանի կողմից կիրառվել են նաև հայցի ապահովման միջոցներ»,- գրված է դատախազության հաղորդագրության մեջ:
Factor TV-ն երեկ անդրադարձել էր պատգամավորի հայտարարագին․ ուշագրավ է, որ դրանում առկա չէ իրավաբանական որևէ անձում մասնակցության մասին տեղեկատվություն։
