17.02.2026 | 23:22
ՀՀ ԱԳ նախարարի տեղակալը Հռոմում ներկայացրել է COP17-ի Հայաստանի նախագահության առաջնահերթությունները
Եվրապատգամավորներն առաջարկում են կասեցնել Վրաստանի հետ առանց վիզայի ռեժիմը․ ԵԽ-ն կոշտ զեկույց է ընդունել
Քաղաքականություն
09.07.2025 | 22:26
Եվրախորհրդարանը հավանություն է տվել Վրաստանի վերաբերյալ կոշտ զեկույցին, որում չի ճանաչել Վրաստանի ներկայիս միակուսակցական խորհրդարանի և դրա նախագահի օրինականությունը՝ այն անվանելով «Վրացական երազանքի» ոչ լեգիտիմ ռեժիմի կողմից գրավված պետություն: Փաստաթուղթը հավանության է արժանացել ձայների 490 կողմ, 147 դեմ և 49 ձեռնպահ հարաբերակցությամբ, գրում է DW-ի ռուսական ծառայությունը։
Տասնամյակների առաջընթացից հետո եվրապատգամավորներն առաջին անգամ Վրաստանում լիակատար հետընթաց են արձանագրում ժողովրդավարական սկզբունքներից և եվրաինտեգրումից։
«Վրաստանում առկա քաղաքական և սահմանադրական ճգնաժամի կարգավորմանը կարելի է հասնել միայն նոր խորհրդարանական ընտրությունների անցկացման միջոցով»,- ամփոփել են Եվրախորհրդարանում:
Պատգամավորները կոչ են արել ԵՄ-ին անհապաղ վերանայել Թբիլիսիի նկատմամբ քաղաքականությունը, ինչպես նաև ԵՄ-ի և Վրաստանի միջև Ասոցացման համաձայնագրի կատարումը:
Արտոնությունների թվում, որոնցից կարող է զրկվել Վրաստանը, եվրապատգամավորները նշում են ԵՄ-ի հետ առանց վիզայի ռեժիմը. նրանք առաջարկում են կասեցնել այն, եթե ժողովրդավարական կառավարման և ազատությունների չափանիշները չպահպանվեն «Վրացական երազանքի» գործողությունների պատճառով։
Եվրապատգամավորներն առաջարկում են նաև սառեցնել Իվանիշվիլիի և նրա շրջապատի ակտիվները։
