09.12.2025 | 20:40
«Ալֆա-ֆարմ» ընկերությունն առաջին անգամ պարտատոմսեր է թողարկում. ծավալը` 1.5 մլրդ ՀՀ դրամ
Մի՛ նեղսրտեք, հեղաշրջման կոչի համար մեղադրվողին ուզում էին վարչապետի թեկնածու առաջադրել․ Ռուբինյան․ ՏԵՍԱՆՅՈՒԹ
Քաղաքականություն
03.07.2025 | 14:35
«Պարո՛ն Եղոյան, մի՛ նեղսրտեք, շատ բնական է, որ պարոն Աղազարյանը պետք է գար այդպիսի բան ասեր, քանի որ նա միացել է ընդդիմությանը»,- խորհրդարանի ամբիոնից հայտարարեց ԱԺ փոխնախագահ Ռուբեն Ռուբինյանը՝ անդրադառանլով Հովիկ Աղազարյանի և իշխանական պատգամավորների լեզվակռվին։
«Ուզում եմ հիշեցնել՝ էս մարդիկ մի երեք օր առաջ ռազմական հեղաշրջման հրապարակային կոչ անելու համար քրեորեն հետապնդվող անձին ուզում էին առաջադրել վարչապետի թեկնածու։ Դրանից առաջ էլ Մարուքյան Էդմոնին էին ուզում առաջադրել թեկնածու և էսպես շարունակ։ Այսինքն՝ Աղազարյանի ուղիներն անիմանալի են, պետք չէ դրա վրա սևեռել»,- ասաց Ռուբինյանը։
Հիշեցնենք, որ այսօր խորհրդարանում Աղազարյանի ելույթից հետո լեզվակռիվ սկսվեց նրա ու ՔՊ խմբակցության պատգամավորների միջև։ Արման Եղոյանը տեղից «ամոթ» բացականչեց, նիստերի դահլիճում կանգնած Աղազարյանը ջրի շիշը նետեց իշխանականների ուղղությամբ և Եղոյանին դուրս հրավիրեց՝ հաշիվներ պարզելու։
Նիստը վարող Հակոբ Արշակյանը փորձեց հանդարտեցնել վիճակը։
Մանրամասները՝ տեսանյութում։
Արփի Հակոբյան
