27.07.2026 | 13:01
Կադաստրի կոմիտեի ղեկավարի տեղակալ Նանե Ղազարյանի ասուլիսը. ՈՒՂԻՂ
Բաքվի դատարանը Իրանից թմրանյութերի տարանցման համար ձերբակալված ՌԴ 8 քաղաքացու 4 ամսով կալանավորել է․ նրանք դատարան են տարվել դաժան ծեծի հետքերով․ ԼՈՒՍԱՆԿԱՐՆԵՐ
Քաղաքականություն
02.07.2025 | 10:11
Բաքվի Սաբայիլի շրջանային դատարանը կալանավորել է Ռուսաստանի մի խումբ ձերբակալված քաղաքացների, որոնք մեղադրվում են Իրանից թմրանյութերի տարանցման, դրանց առցանց ապօրինի շրջանառության և կիբերհանցագործության մեջ։ Ադրբեջանական լրատվամիջոցները հաղորդում են, որ 8 ձերբակալվածի նկատմամբ խափանման միջոց է ընտրվել 4 ամիս ժամկետով կալանքը։
Ադրբեջանական լրատվամիջոցների կողմից հրապարակված կադրերում դատարան բերված ռուսների դեմքերին դաժան ծեծի հետքեր, կապտուկներ են։
Հիշեցնենք, որ Ադրբեջանի Ներքին գործերի նախարարությունը Բաքվում իրականացված օպերատիվ-հետախուզական միջոցառումների ընթացքում ձերբակալել էր կազմակերպված հանցավոր երկու խմբի անդամների՝ ՌԴ քաղաքացիների, որոնք կասկածվում են Իրանից թմրանյութերի տարանցման, դրանց առցանց ապօրինի շրջանառության և կիբերհանցագործության մեջ։
Ռուսական լրատվամիջոցների հաղորդմամբ՝ ձերբակալվածներից մեկը Անտոն Դրաչևն է՝ Airo առցանց ծառայության համասեփականատերը և գործադիր տնօրենը, որում MTS վենչուրային հիմնադրամը ներդրումներ է կատարել։ Նշվում է, որ ծրագրավորողը պարբերաբար մեկնել է Ադրբեջան. միայն 2022 թվականի վերջից մինչև 2023 թվականի սեպտեմբեր նա այցելել է այդ երկիր ավելի քան 10 անգամ, և այդ ընթացքում նա նաև մեկ անգամ Ռուսաստանից Իրան է մեկնել։ Ձերբակալության փաստը հաստատել է ձեռնարկատիրոջ մայրը։
Երկրորդը, ենթադրաբար, Սանկտ Պետերբուրգի ИТМО համալսարանի 30-ամյա շրջանավարտ Դմիտրի Բեզուգլին է։ Արտահոսած տվյալներից դատելով՝ նա աշխատել է որպես ծրագրավորող VK-ում և Yandex-ում, իսկ 2022 թվականի սեպտեմբերին Ռուսաստանում զորահավաք հայտարարելուց հետո լքել է երկիրը։
Երրորդը 23-ամյա Սերգեյ Սոֆրոնովն է Չերեպովեցից։ 2020 թվականին նա տեղափոխվել է Կալինինգրադ, որտեղ աշխատել է որպես ազատ ծրագրավորող և դիզայներ։ 2022 թվականի հոկտեմբերին նա մեկնել է Ղազախստան, իսկ այնտեղից՝ Ադրբեջան։
Թարգմանությունը՝ Էմմա Չոբանյանի
