27.02.2026 | 23:01
Ադրբեջանում Բրիտանիայի դեսպանատունն արձագանքել է բրիտանական խորհրդարանում անցկացված Արցախի վերաբերյալ քննարկմանը
Փոփոխություն է նախատեսվում կատարել «Ճանապարհային երթևեկության անվտանգության ապահովման մասին» օրենքում
01.07.2025 | 18:27
Առաջարկվում է սահմանել, որ նախագծերի ընդունմամբ կարող են լինել նաեւ թվային վարորդական վկայական եւ թվային հաշվառման վկայագիր: Այս մասին ասել է ՆԳ նախարարի տեղակալ Արմեն Ղազարյանը` առաջին ընթերցմամբ Ազգային ժողովի քննարկմանը ներկայացնելով ««Ճանապարհային երթեւեկության անվտանգության ապահովման մասին» օրենքում լրացումներ եւ փոփոխություն կատարելու մասին» օրենքի նախագիծը՝ կից օրենսդրական փաթեթով․ հայտնում են ՀՀ ԱԺ-ից։
Զեկուցողը նշել է, որ այդ փաստաթղթերը կարող են գոյություն ունենալ նաեւ թվային տվյալների բազայում:
Փոխնախարարը հայտնել է, որ փաթեթի ընդունման դեպքում առաջարկվող կարգավորումներն ուժի մեջ կմտնեն ընթացիկ տարվա սեպտեմբերի 1-ից:
Առաջարկվում է սահմանել, որ եթե պարեկային ծառայության աշխատակիցը կարողանում է նույնականացնել վարորդին, ապա այդ պարագայում չի կիրառվելու վարչական այն իրավախախտումը, որը նախատեսված է օրենսգրքով, այն է՝ վարորդական վկայականն իր մոտ չունենալը: Եթե պարեկային ծառայության աշխատակիցը նույնականացնում է անձին եւ հաստատվում է, որ անձն ունի վարելու իրավունք, ապա այդ վարչական իրավախախտումը չի կիրառվի:
Առաջարկվում է սահմանել եւս մեկ կարգավորում, ըստ որի՝ անձը վճարի դիմաց կարող է ստանալ արագացված ծառայություններ: Մասնավորապես, առաջարկվում է նախատեսել վարորդական իրավունքի վկայական ստանալու տեսական կամ գործնական քննություններին արտահերթ մասնակցելու համար պետական տուրք՝ 30.000-45.000 ՀՀ դրամի սահմաններում՝ պայմանավորված այն օրվա ընտրությամբ, երբ վարորդի թեկնածուն կնախընտրի հանձնել այդ քննությունը:
ԱԺ պաշտպանության եւ անվտանգության հարցերի մշտական հանձնաժողովի դրական եզրակացությունը փաթեթի վերաբերյալ ներկայացրել է Վահագն Ալեքսանյանը:
