16.07.2026 | 21:58
ԿԼ. «Ալաշկերտը» վերջին վայրկյաններին փրկվեց պարտությունից ու հաղթեց հետխաղային 11-մետրանոցներով․ ՏԵՍԱՆՅՈՒԹ
Իժևսկում ռազմական գործարանի վրա ԱԹՍ-ի հարձակման հետևանքով զոհվել է 3 մարդ, 35-ը՝ վիրավորվել
Քաղաքականություն
01.07.2025 | 21:16
Ուկրաինական անօդաչու թռչող սարքերն այսօր հարձակվել էին Իժևսկի ձեռնարկություններից մեկի վրա։ Հարվածի մասին հայտնել է Ուդմուրտիայի ղեկավար Ալեքսանդր Բրեչալովը։ Նրա խոսքով՝ հարձակման հետևանքով զոհվել է երեք մարդ, 35 մարդ հոսպիտալացվել է, որոնցից 10-ը ծանր վիճակում են, փոխանցում է Current time-ը։
Ո՛չ Բրեչալովը, ո՛չ էլ տեղական լրատվամիջոցները չեն բացահայտել, թե որ գործարանն է հարձակման ենթարկվել։ Ուկրաինական լրատվամիջոցների տվյալներով՝ անօդաչու թռչող սարքերի թիրախը կարող էր լինել «Կուպոլ» էլեկտրամեխանիկական գործարանը։ Այն Ռուսաստանի պաշտպանական արդյունաբերության խոշորագույն ձեռնարկություններից մեկն է և մտնում է «Ալմազ-Անտեյ» կոնցեռնի մեջ։
«Կուպոլ» գործարանը կատարում է ՌԴ Պաշտպանության նախարարության պատվերները և, ի թիվս այլ բաների, արտադրում է «Տոր-Մ2Է» զենիթահրթիռային համակարգեր, «Սաման-Մ1» և «Ադյուտանտ» թիրախային ուսումնական համակարգեր, ինչպես նաև «Հարպիա-Ա1» հարվածային անօդաչու թռչող սարքեր։
Ուկրաինայի անվտանգության ծառայությունը հայտարարել է, որ իր հեռահար անօդաչու թռչող սարքերը հուլիսի 1-ի առավոտյան հարձակվել են Իժևսկի «Կուպոլ Իժևսկ» էլեկտրամեխանիկական գործարանի վրա, որը ռուսական բանակի համար արտադրում է «Տոր» և «Օսա» հակաօդային պաշտպանության համակարգեր և անօդաչու թռչող սարքեր, BBC-ին հայտնել է անվտանգության ծառայության աղբյուրը։
Հարվածի թիրախում են եղել գործարանի արտադրական օբյեկտներն ու պահեստները, որը գտնվում է անօդաչու թռչող սարքերի արձակման վայրից ավելի քան 1300 կիլոմետր հեռավորության վրա։
Գործարանը գտնվում է միջազգային պատժամիջոցների տակ՝ որպես Ռուսաստանի ռազմարդյունաբերական համալիրի օբյեկտ։
Աղբյուրի տվյալներով՝ գրանցվել է անօդաչու թռչող սարքերի առնվազն երկու հարված գործարանի շենքերին, որից հետո հրդեհ է բռնկվել։
Թարգմանությունը՝ Էմմա Չոբանյանի
