04.08.2026 | 22:42
Վերականգնվել է վթարի հետևանքով խափանված էլեկտրամատակարարումը․ ՏԿԵՆ
Ուզում եք ՀՀ-ն դարձնել «Հուսահատության Գազել», հետո՝ պայթեցնել․ Կոնջորյանը՝ ընդդիմությանը
Քաղաքականություն
01.07.2025 | 14:10
«Պարո՛ն Մինասյան, ասում եք՝ քաղաքացին տուգանքի մատերիալ չի և քաղաքացուն եք պաշտպանում․ հիշեցնեմ, որ Դուք և Ձեր քաղաքական թիմակից Բագրատ Գալստանյանն այդ քաղաքացիներին անվանում եք «խորը անասուն»: Երբ այդ մարդկանց այդ նույն ավտոբուսների մեջ պատրաստվում էիք հրկիզել, հիմա այդ ավտոբուսներում նրանց չվճարածների համար նախատեսվող տուգանքի քննադատությամբ եք այստեղ զբաղված»,- այս մասին ԱԺ արտահերթ նիստում արձագանքելով ընդդիմադիր պատգամավոր Արծվիկ Մինասյանի ելույթին՝ հայտարարեց «Քաղաքացիական պայմանագիր» խմբակցության ղեկավարը: Իշխող ուժի ներկայացուցիչի խոսքով՝ նախագիծն այն մասին է, որ չվճարող քաղաքացին կարող է տուգանվել:
«Այս նախագիծը խրախուսում է օրինապաշտությունը և նախատեսում է տուգանք օրինախախտման համար, և սա մեր հայեցակարգային քաղաքականությունն է, որովհետև այսպիսին պետք է լինեն մեր հասարակական հարաբերությունները։ Իհարկե, դուք ուզում եք Հայաստանը դարձնել մի «Հուսահատության Գազել», հետո պայթեցնել այն»,- հայտարարեց Կոնջորյանը։
Նշենք, որ ԱԺ-ում քննարկվում է նախագիծ, համաձայն որի՝ վարչական պատասխանատվություն կսահմանվի տրանսպորտային ծառայությունից առանց վճարման օգտվող անձանց համար:
Մանրամասները՝ տեսանյութում։
Մանյա Պողոսյան
