16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Թուրքիան և Իրաքն ուժեղացնում են սահմանային անվտանգությունը
Քաղաքականություն
15.10.2018 | 11:43
Թուրքիայի և Իրաքի ներքին գործերի նախարարությունների միջև սահամանային անվտանգության ոլորտում նախկինում ստորագրված համագործակցության մասին արձանագրությունը վավերացվել է. փոխանցում է ermenihaber-ը:
Այդ մասին տեղեկություն է հրապարակել Իրաքի վարչապետ Հայդար Իբադիի գրասենյակը։
Թուրքական աղբյուրը, հղում անելով Թուրքիայի ներքին գործերի նախարարության աղբյուրներին, նշում է, որ ստորագրված արձանագրությունը նպատակ ունի համակարգել երկու հարևան երկրների աշխատանքները սահմանային անվտանգության հարցերում։
Հրապարակված հայտարարության մեջ ասվում է, որ Թուրքիան և Իրաքը հարգանք են ցուցաբերում միմյանց ինքնիշխանության նկատմամբ։ Նշվել է նաև, որ կողմերն աշխատանքներ են իրականացնելու, որ Իրաքի տարածքից Թուրքիայի վրա որևէ հարձակում տեղի չունենա։
Նշվում է, որ նախորդ ամիս սահմանային անվտանգությունը ապահովելու համար Իրաքի կառավարությունը հրահանգել էր, որ Թուրքիայի հետ սահմանին լրացուցիչ ուժեր է տեղակայվեն։
Հիշեցնենք, որ Իրաքում (Քանդիլում) է գտնվում Թուրքիայում ահաբեկչական համարվող «Քուրդիստանի բանվորական կուսակցության» (ՔԲԿ-PKK) գլխավոր ռազմաբազան։ Հաճախակի են լինում դեպքեր, երբ PKK-ն Իրաքի տարածքից հրթիռակոծում է Թուրքիայի տարածքը։
