08.09.2026 | 13:18
Քոչարյանի հետ կապվող բրենդային խանութում 9,46 մլրդ դրամի թաքցված շրջանառություն է բացահայտվել․ ՊԵԿ․ ՏԵՍԱՆՅՈՒԹ
ՀՅԴ-ն հայտնում է կուսակիցների բնակարաններում խուզարկությունների մասին
Քաղաքականություն
25.06.2025 | 10:22
ՀՅԴ Հայաստանի Գերագույն մարմնի Հանրային կապերի գրասենյակից տեղեկացնում են, որ այս պահին խուզարկություններ են իրականացվում ՀՅԴ-ականների բնակարաններում։
«Այս պահին ապօրինի խուզարկություններ են իրականացվում ՀՅԴ Հայաստանի Գերագույն մարմնի անդամ Իգոր Սարգսյանի, ՀՅԴ Աբովյանի կոմիտեի անդամ Վարդան Ավագյանի, Հրազդանի կոմիտեի անդամ Արտաշես Հունանյանի և Նոյեմբերյանի կոմիտեի անդամ Վարազդատ Ամիրաղյանի բնակարաններում։
Խուզարկությունների ընթացքի և նոր տեղեկությունների մասին կհայտնենք լրացուցիչ»,- ասված է տարածած հաղորդագրությունում։
Հիշեցնենք, որ երեկ «Civic.am» կայքը լուսանկարներ էր հրապարակել, որում А4 ֆորմատի մի քանի էջից բաղկացած ցանկ էր ներառված։
«Մեզ են փոխանցել ընդդիմության հեղաշրջման պլանը, որը իրենից ներկայացնում է գործողությունների փուլային ծրագիր, ռեսուրսների և գործող անձանց հաշվագրում։ Առավել մանրամասն այն կներկայացնենք հաջորդիվ նյութերում»,-ասված էր լուսանկարներին կից տեքստում։
Հայտնել էինք նաև, որ «Ընդդիմության հեղաշրջման պլան»-ին վերաբերող նյութն ուղարկվել է Քննչական կոմիտե։
