04.10.2026 | 20:00
1700 տոննա աղբ՝ օրական․ ինչ գնով է մաքրվում Երևանը. աղբահանության ՇԵՐՏԵՐԸ․ ՏԵՍԱՆՅՈւԹ
Պաշտպանության ոլորտում համագործակցության ընդլայնումը կնպաստի 100 միլիարդ դոլարի առևտրի ծավալի նպատակին հասնելուն. Էրդողանը` Թրամփին Հաագայում հանդիպմանը
Քաղաքականություն
25.06.2025 | 11:35
Հաագայում ընթացող ՆԱՏՕ-ի գագաթնաժողովի շրջանակներում հանդիպում են անցկացրել ԱՄՆ նախագահ Դոնալդ Թրամփը և Թուրքիայի նախագահ Ռեջեփ Թայիփ Էրդողանը։
Թուրքական կողմի հաղորդմամբ`հանդիպմանը քննարկվել են Թուրքիայի և ԱՄՆ-ի միջև երկկողմ հարաբերությունները, ինչպես նաև տարածաշրջանային և միջազգային հարցեր։
«Նշելով, որ երկու երկրներն էլ մեծ ներուժ ունեն տարբեր ոլորտներում, մասնավորապես՝ էներգետիկայի և ներդրումների ոլորտում, նախագահ Էրդողանը նշել է, որ հատկապես պաշտպանական արդյունաբերության ոլորտում համագործակցության ընդլայնումը կնպաստի 100 միլիարդ դոլարի առևտրի ընդհանուր ծավալի նպատակին հասնելուն»,- ասվում է Թուրքիայի նախագահականի հաղորդակցության բաժնի հայտարարության մեջ։
Որպես ՆԱՏՕ-ի առաջատար դաշնակիցներ, երկու առաջնորդները շեշտել են դաշինքի զսպման ուժի ամրապնդման կարևորությունը։
Հիշեցնենք, որ ավելի վաղ լրատվամիջոցները հայտնել էին, որ Հաագայում Թրամփն ու Էրդողանը երկկողմ հանդիպում կանցկացնեն։
Թարգմանությունը` Էմմա Չոբանյանի
