09.12.2025 | 23:03
Մեզ հետ ավելի վատ են վարվել, քան հայերի հետ․ Արցախում շինաշխատանքներ իրականացնող թուրքական ընկերությունը դիմել է Էրդողանին
Հաագայում հանդիպել են Էրդողանն ու Թրամփը
Քաղաքականություն
25.06.2025 | 09:45
Թուրքիայի նախագահ Ռեջեփ Թայիփ Էրդողանը Հաագայում հանդիպել է ԱՄՆ նախագահ Դոնալդ Թրամփի հետ, որտեղ նա մասնակցում է ՆԱՏՕ-ի գագաթնաժողովին․ գրում է «Անադոլու» գործակալությունը։
Նշվում է, որ երկու երկրների նախագահների միջև բանակցությունները տեղի են ունեցել փակ դռների ետևում։
Հաղորդվում է, որ հանդիպման ընթացքում առաջնորդները քննարկել են Թուրքիայի և ԱՄՆ-ի երկկողմ հարաբերությունները, տարածաշրջանային և համաշխարհային հարցեր։
Թուրքիայի ղեկավարը ողջունել է Իսրայելի և Իրանի միջև կնքված հրադադարը ԱՄՆ նախագահ Թրամփի ջանքերի շնորհիվ ու մաղթել, որ այն հարատև լինի։ Նաև ընդգծել է երկխոսության կարևորությունը՝ Գազայում հումանիտար ողբերգությունը ավարտելու և Ռուսաստանի ու Ուկրաինայի միջև պատերազմը խաղաղ ճանապարհով լուծելու հարցում։
Սպիտակ տունը հանդիպման մասին հաղորդագրություն դեռևս չի տարածել։
Թարգմանությունը՝ Անահիտ Խաչատրյանի
