08.09.2026 | 11:11
Լեռնանցքում երկու օր գազ չի լինի
Աննա Հակոբյանը չգիտի՞ մեղանչել բառի նշանակությունը․ վարչապետի կինը խմբագրել է գրառումը
24.06.2025 | 17:22
Վարչապետ Նիկոլ Փաշինյանի տիկինը՝ Աննա Հակոբյանը, որը վերջին շրջանում ակտիվորեն քարոզում է «Կրթվելը նորաձև է» նախաձեռնությունը, այսօր իր ֆեյսբուքյան էջում տարածել է իշխանական լրատվամիջոցի կողմից հրապարակված մի նյութ, որում ներկայացվում է ենթադրյալ պետական հեղաշրջման սցենար։
Աննա Հակոբյանը կից գրել է․ «Եթե որեւէ մեկը իրեն գտավ այս պետական դավաճանության պլանում, նախ ցավակցում եմ, բայց նաեւ հորդորում եմ մեղանչել։ Հավանաբար մինչեւ վերջ չեք էլ պատկերացրել՝ ում եւ ինչին եք ծառայում»։
Շատ չանցած Հակոբյանը խմբագրել է գրառումը՝ «մեղանչել» բառը փոխարինելով «ապաշխարել»-ով։
Նշենք, որ «մեղանչել» նշանակում է մեղք գործել, մինչդեռ Աննա Հակոբյանի նշած համատեքստում տեղին է կիրառել «ապաշխարել», «զղջալ», «ներում խնդրել» բայերը։
Լեզվական այս վրիպումը տարակուսանք է առաջացնում, եթե հաշվի առնենք, որ Աննա Հակոբյանը պարբերաբար հանրային ելույթներում հորդորում է մարդկանց կրթվել և դա ներկայացնում որպես ժամանակակից արժեք։
Նարեկ Կիրակոսյան
