08.09.2026 | 14:50
Հրշեջ-փրկարարները մարել են տանը բռնկված հրդեհը` կանխելով կրակի տարածումը դեպի այլ բնակարաններ
Իրանը գիշերը հրթիռով հարվածել է Իսրայելին․ Թեհրանը պնդում է՝ դա եղել է նախքան հրադադարի մեկնարկը
Քաղաքականություն
24.06.2025 | 10:42
Իրանը հունիսի 24-ի գիշերը հրթիռային հարվածներ է հասցրել Իսրայելին։ The Times of Israel-ի հաղորդմամբ՝ հրթիռը հարվածել է հարավային Բեեր Շեբա քաղաքում գտնվող բնակելի շենքին։ Վերջին տվյալների համաձայն՝ 4 մարդ զոհվել է, իսկ ավելի քան 20-ը՝ վիրավորվել։
Փրկարարական ուժերը շարունակում են որոնողական աշխատանքները մասնակիորեն փլուզված շենքում անհետ կորած անձանց գտնելու համար։
Իրանական կողմը պնդում է, որ հրթիռներն արձակվել են հրադադարի մեկնարկից առաջ։ Հրադադարի պայմանավորված ժամից մոտ մեկ ժամ առաջ Իրանը շուրջ 20 հրթիռ է արձակել։
Իսրայելի պաշտպանության բանակն էլ հայտնում է, որ վերջին մի քանի ժամերի ընթացքում երկրի ռազմաօդային ուժերը հարվածել են Իրանի արևմուտքում գտնվող մի քանի իրանական բալիստիկ հրթիռների արձակման կայանների, որոնք պատրաստ էին Իսրայելի վրա առավոտյան համազարկերի համար։ Նշվում է, թե ավիահարվածները խափանել են Իսրայելի վրա ավելի լայնածավալ հարձակումը։
Հիշեցնենք, որ ԱՄՆ նախագահը Դոնալդ Թրամփը հայտարարել է կողմերի միջև հրադադարի հաստատման մասին։
Թարգմանությունը՝ Էմմա Չոբանյանի
