16.07.2026 | 23:29
Հետաքննությունը պարզել է, որ Ալիևի թոռներն անօրինական կերպով օգտագործում են պաշտոնական լիմուզիններն և անվտանգության մեքենաները
Հունգարիան և Սլովակիան արգելափակել են Ռուսաստանի դեմ ԵՄ-ի պատժամիջոցների 18-րդ փաթեթի ընդունումը
Քաղաքականություն
23.06.2025 | 18:03
Հունգարիան և Սլովակիան Բրյուսելում ԵՄ արտաքին գործերի նախարարների հանդիպման ժամանակ դեմ են արտահայտվել Ռուսաստանի դեմ պատժամիջոցների 18-րդ փաթեթի ընդունմանը։ Այս մասին լրագրողներին հայտնել է Հունգարիայի արտաքին գործերի նախարար Պետեր Սիյարտոն, գրում է Meduza-ն։
«Մենք՝ Սլովակիայի հետ միասին, կանխել ենք պատժամիջոցների 18-րդ փաթեթի ընդունումը։ Մենք դա արել ենք, քանի որ այս դեպքում ԵՄ երկրներին, այդ թվում՝ Հունգարիային և Սլովակիային, կարգելվեր գնել ռուսական բնական գազ և էժան ռուսական հում նավթ», – ասել է նա։
Սիյարտոյի խոսքով՝ Հունգարիայի ներկայացուցիչները նաև հստակեցրել են, որ պատրաստ չեն աջակցել Ուկրաինային տրամադրվող ֆինանսական կամ ռազմական օգնությանը, ինչպես նաև ռազմական գործողություններին։
Նոր փաթեթում առաջարկվում էր ներառել Ռուսաստանի «Հյուսիսային հոսք» գազատարի դեմ պատժամիջոցները, արդեն իսկ գործող պատժամիջոցները շրջանցող բանկերը և ռուսական ռազմական արդյունաբերությունը: Եվրոպական հանձնաժողովը նաև առաջարկել էր ռուսական նավթի գնի շեմը մեկ բարելի համար 60 դոլարից իջեցնել մինչև 45 դոլարի։
Թարգմանությունը` Էմմա Չոբանյանի
