08.09.2026 | 18:24
Մալաթիայի բաժնի համայնքային ոստիկանները դրամանենգության դեպք են բացահայտել․ 68-ամյա տղամարդը ձերբակալվել է
Տարածաշրջանային բռնությունը կարող է տարածվել դեպի Եվրոպա․ Էրդողանը՝ Մերցին
Քաղաքականություն
20.06.2025 | 17:58
Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Գերմանիայի կանցլեր Ֆրիդրիխ Մերցի հետ՝ քննարկելու Իսրայելի և Իրանի միջև շարունակվող ռազմական գործողությունները՝ խոր մտահոգություն հայտնելով բռնության սրման հնարավոր տարածաշրջանային հետևանքների վերաբերյալ, գրում է Turkiye today-ը։ Ըստ լրատվամիջոցի՝ Էրդողանը զգուշացրել է, որ տարածաշրջանային բռնությունը կարող է տարածվել նաև Եվրոպա։
Զրույցի ընթացքում Էրդողանն ընդգծել է, որ Իսրայելի կողմից Իրանին հարվածների հետևանքով սկսված ռազմական գործողություններն անմիջական սպառնալիք են ներկայացնում տարածաշրջանային անվտանգության համար՝ նախազգուշացնելով, որ շարունակական սրացումը կարող է հանգեցնել միգրացիայի աճի և նույնիսկ՝ միջուկային արտահոսքի ռիսկերի։
Թուրքիայի նախագահը շեշտել է, որ Իրանի միջուկային տարաձայնությունների լուծումը պետք է տեղի ունենա դիվանագիտական ուղիներով և կոչ է արել անհապաղ վերադառնալ բանակցություններին։
Նա հավելել է, որ Թուրքիան ակտիվորեն աշխատում է լարվածության թուլացման և տարածաշրջանում կայունության վերականգնման ուղղությամբ, և որ այդ ջանքերը կշարունակվեն միջազգային գործընկերների հետ համագործակցությամբ։
Հավելենք, որ ավելի վաղ Էրդողանը դատապատել էր Իրանի դեմ Իսրայելի հարձակումը։
Թարգմանությունը՝ Էմմա Չոբանյանի
