08.09.2026 | 16:32
Նոր սահմանադրության հրապարակված տեքստը պաշտոնական չէ․ 5 օր առաջ ստեղծված կայքը, Իկոնոմովի պնդումը և նախարարության պարզաբանումը
Ռուս ուղղափառ եկեղեցին դատապարտել է «Հայաստանի իշխանությունների միջամտությունը հայ եկեղեցու կյանքին»
Քաղաքականություն
18.06.2025 | 15:45
«Հայ Առաքելական Եկեղեցու կյանքին Հայաստանի իշխանությունների միջամտությունն անընդունելի է, իսկ նրա առաջնորդի և հոգևորականների հասցեին վիրավորանքները վրդովմունք են առաջացնում», այս մասին ՌԻԱ Նովոստիին ասել է Մոսկվայի և Համայն Ռուսիո պատրիարք Կիրիլի խորհրդական, ավագ քահանա Նիկոլայ Բալաշովը։
Ըստ նրա՝ ռուս ուղղափառ եկեղեցին համերաշխություն է հայտնում հայ հավատացյալներին, «որոնք պաշտպանում են իրենց եկեղեցու արժանապատվությունը»։
«Հայ Առաքելական եկեղեցու առաջնորդի և հոգևորականների հասցեին ուղղված կոպիտ վիրավորանքներն ամոթի և վրդովմունքի զգացումներ են առաջացնում։ Մենք համերաշխություն ենք զգում իրենց եկեղեցու արժանապատվությունը պաշտպանող հայ հավատացյալների հետ։ Աշխարհիկ իշխանությունների ներկայացուցիչների կողմից դարավոր պատմություն ունեցող ամենակարևոր ազգային հոգևոր հաստատության ներքին կյանքին համարձակ միջամտության փորձերն անընդունելի են և արժանի են դատապարտման», – հայտարարել է Բալաշովը։
Թարգմանությունը՝ Էմմա Չոբանյանի
