Սամվել Կարապետյանը չի ասել «միջամտելու ենք եկեղեցու դեմ արշավին». հարցազրույցի տեքստային տարբերակն ու տեսանյութը տարբերվում են

Լուրեր

17.11.2026 | 23:25
Հայաստանի մի շարք հասցեներում էլեկտրաէներգիայի անջատումներ կլինեն
17.11.2026 | 23:10
25-ամյա հետախուզվողը հայտնաբերվել և ձերբակալվել է մայրաքաղաքում
17.11.2026 | 22:53
Սևանա լճի մակարդակը մեկ շաբաթում նվազել է 1 սանտիմետրով
17.11.2026 | 22:39
Ադրբեջանում առաջարկում են է՛լ ավելի խստացնել ՀԿ-ների գործունեությանը վերաբերող օրենսդրությունը
17.11.2026 | 22:22
Կյանքից հեռացել է ՀՀ ժողովրդական արտիստ Հակոբ Ազիզյանը
17.11.2026 | 22:08
Դատարանը վարույթ ընդունեց հայցադիմումը․ ընտրություններից 12 օր առաջ ԸԸՀ-ն պահանջում է չեղարկել թեկնածուի գրանցումը
17.11.2026 | 21:56
ԱՄՆ-ն խստացնում է արհեստական բանականության առաջադեմ չիպերի արտահանման կանոնները՝ Nvidia-ի ղեկավարի շուրջ սկանդալից հետո
17.11.2026 | 21:40
Ադրբեջանն ու Վրաստանը համատեղ զորավարժությունների անցկացման հարցեր են քննարկել
17.11.2026 | 21:28
Տեղի են ունեցել ՀՀ-ԳԴՀ պաշտպանական խորհրդակցությունները
17.11.2026 | 21:15
Ընդդիմությունն ունի բոլոր շանսերը՝ թույլ չտալու սահմանադրական հանրաքվե, հուսանք՝ մանդատագողություն չի լինի․ Դավիթ Խաժակյան. ՏԵՍԱՆՅՈՒԹ
17.11.2026 | 21:08
Ինչ է քննարկվել «Հարավկովկասյան երկաթուղու» կոնցեսիոն կառավարման հարցով հանդիպմանը
17.11.2026 | 20:56
Աննա Հակոբյանն ընդվզման կոչ է անում․ ով է պատասխանատու խցանումների համար. ՏԵՍԱՆՅՈՒԹ
17.11.2026 | 20:44
Լրագրողական հետաքննությունը բացահայտել է Deutsche Bank-ի կապերը ռուսաստանցի օլիգարխների, Ջեֆրի Էփշթեյնի և Դոնալդ Թրամփի հետ
17.11.2026 | 20:30
Ունեմ վարկած՝ Արմեն Գրիգորյանը կատարում է Փաշինյանի հանձնարարությունը՝ պատրաստելու շրջադարձն արևմտամետ կուրսից․ Լևոն Զուրաբյան. ՏԵՍԱՆՅՈՒԹ
17.11.2026 | 20:19
20։10-ի դրությամբ, Նոյեմբերյանի և Բերդի տարածաշրջանների ավտոճանապարհներին մառախուղ է
Բոլորը

Գործարար Սամվել Կարապետյանի հայտարարությունը՝ կապված հոգեւորականների և Ամենայն Հայոց Կաթողիկոսի դեմ իշխանությունների սկսած արշավի հետ, այսօր պայթեցրեց համացանցը և դարձավ սրընթաց զարգացումների առիթ։

Հիշեցնենք՝ news.am -ի հրապարակման համաձայն՝ Կարապետյանն ասել էր․ «Մի փոքրիկ խմբակ, մոռանալով հայոց պատմությունը, հայ եկեղեցու հազարավոր տարիների պատմությունը, հարձակվել է հայ եկեղեցու վրա, հայ ժողովրդի վրա։ Ես միշտ եղել եմ հայոց եկեղեցու կողքին ու հայ ժողովրդի կողքին։ Եթե քաղաքական գործիչներին չհաջողվի, ապա մենք մեր ձևով ենք միջամտելու եկեղեցու դեմ արշավին»։

Մինչդեռ լրատվամիջոցին տրված հարցազրույցի տեսագրությունը լսելիս պարզ է դառնում, որ Կարապետյանը չի օգտագործել միջամտել բառը և մի փոքր այլ ձևակերպմամբ է արտահայտում միտքը․

«Քանի որ ես միշտ եղել եմ հայ ժողովրդի ու հայ եկեղեցու կողքին, ունենալու եմ անմիջական մասնակցություն. եթե չհաջողվի քաղաքական գործիչներին, ուրեմն մենք էլ մեր ձևով ենք մասնակցելու այդ ամեն ինչին»,- ասել էր նա։

Կարապետյանի հայտարարությանն ի պատասխան Փաշինյանը մի քանի գրառում կատարեց, որոնցից վերջիններում շեշտը հենց «միջամտել» բառի վրա էր, որը, փաստորեն, Կարապետյանը չէր ասել։

«Ասում է, մենք մեր ձևով ենք միջամտելու։ Հիմա ես քեզ իմ ձևով կմիջամտեմ, ստահակ։ Ավելի ճիշտ՝ ձեզ»։ «Բա միջամտի, արա՛, ի՞նչ ես չուլանում պախկվել»,- գրել էր Փաշինյանը։

Անշուշտ, Կարապետյանի ասածի բովանդակությունն ընդհանուր առմամբ շատ չի փոխվում լրատվամիջոցի կողմից տեքստային ոչ ճշգրիտ վերարտադրության պատճառով, այնուհանդերձ, հաշվի առնելով այն, թե ինչ զարգացումներ հետևեցին այդ գրառմանը՝ թերեւս արժե միտքն անաղճատ ներկայացնել։

Ռոզա Վարդանյան