24.06.2026 | 16:37
Պարեկներին կաշառք առաջարկած 65-ամյա տղամարդը ձերբակալվել է
Պատրաստ ենք ցանկացած իրադարձության․ ՀՀ անվտանգային համակարգը բոլոր սցենարների համար ունի պլան․ Արմեն Խաչատրյան․ ՏԵՍԱՆՅՈՒԹ
Քաղաքականություն
16.06.2025 | 15:48
ՀՀ անվտանգային համակարգը և մարմինները բոլոր իրավիճակների համար ունեն համապատասխան սցենարներ, այս մասին Factor TV-ի հետ զրույցում ասաց ԱԺ պաշտպանության և անվտանգության մշտական հանձնաժողովի փոխնախագահ, ՔՊ պատգամավոր Արմեն Խաչատրյանը՝ պատասխանելով հարցին, թե Իրանում ստեղծված իրավիճակով պայմանավորված՝ արդյոք ՀՀ-ն նախապատրաստվո՞ւմ է հնարավոր սցենարներին։
«Իհարկե, մեր անվտագային համակարգը բոլոր սցենարների համար ունի որոշակի գործողությունների պլան, այսինքն՝ մենք պատրաստ ենք ցանկացած իրադարձության զարգացման։ Տարածաշրջանում տեղի ունեցողն այնպիսի մեծ չափեր կարող է ընդգրկել, որ տարածաշրջանային երկրների համար աղետալի իրավիճակ ստեղծվի։ Իրադարձությունների զարգացումների վերաբերյալ բոլոր վարկածներն էլ քննարկում ենք և ունենք դրանց համապատասխան մշակած գործողությունների պլան»,- ասաց իշխանական պատգամավորը։
Ինչ վերաբերում է Ադրբեջանի կողմից Սյունիքի ուղղությամբ հարձակվելու ռիսկերին, Արմեն Խաչատրյանը նշեց, որ այս պահին նման ռիսկ չի տեսնում։
Հիշեցնենք, որ Իսրայելը հունիսի 13-ին հարձակում է սկսել Իրանի վրա՝ թիրախավորելով միջուկային օբյեկտները, ռազմական և էներգետիկ ենթակառուցվածքները: Հարվածների հետևանքով զոհվել են բարձրաստիճան զինվորականներ, միջուկային ոլորտի գիտնականներ և խաղաղ բնակիչներ։ Իրանն էլ ի պատասխան հարվածներ է հասցնում Իսրայելի տարածքին:
Մանրամասները՝ տեսանյութում։
Մանյա Պողոսյան
