06.10.2026 | 22:37
Թարմացվել է Ադրբեջանում քաղբանտարկյալների ցուցակը․ դրանում ներառված է 322 անձ
Իսրայելը մտադիր է Իրանում գործողություն իրականացնել երկու շաբաթ․ WSJ
Քաղաքականություն
13.06.2025 | 22:51
Իսրայելի կողմից Իրանի միջուկային օբյեկտների դեմ հարձակողական գործողությունը դեռևս հեռու է ավարտից, քանի որ երկրի ղեկավարությունն այն ծրագրել է 14 օրվա համար: Այս մասին ամերիկյան Wall Street Journal-ին (WSJ) ասել է անանուն բարձրաստիճան իսրայելցի պաշտոնյան, փոխանցում է DW-ի ռուսական ծառայությունը։
Լրատվամիջոցն ընդգծում է, որ նման ժամկետը համապատասխանում է փորձագետների կանխատեսումներին, քանի որ հարվածները մեկ օրում ի վիճակի չեն բավարար վնաս հասցնել Իրանի միջուկային ծրագրին։
Բացի այդ, ըստ աղբյուրի, Իսրայելը գործում է Իրանում համապարփակ ձևով՝ Թեհրանի ռազմական արձագանքի հավանականությունը սահմանափակելու համար, միաժամանակ, հարվածելով Իրանի միջուկային և ռազմական օբյեկտներին, ինչպես նաև նրա ղեկավարությանը։
Իսրայելն արդեն օգտագործել է այս մեթոդը Լիբանանում 2024 թվականի աշնանը, երբ ոչնչացրել է իրանամետ «Հըզբոլլահ» խմբավորման զենքն ու ենթակառուցվածքները, վերացրել նրա ղեկավարությանը։ Իրանում ներկայիս գործողությունը կարող է ավարտվել ճիշտ նույն կերպ, WSJ-ին հայտնել է անանուն պաշտոնյան։
Թարգմանությունը՝ Էմմա Չոբանյանի
