29.04.2026 | 19:00
«Բոլորին դեմ եմ»-ը չի խոսում անիշխանությունից, կձևավորենք պատասխանատու իշխանություն 100 օրով․ Սպարտակ Կյուրեղյան․ ՏԵՍԱՆՅՈՒԹ
Խորապես վշտացած եմ Ահմեդաբադում ինքնաթիռի ողբերգական ավիավթարի լուրից. Փաշինյան
Քաղաքականություն
12.06.2025 | 19:47
ՀՀ վարչապետ Նիկոլ Փաշինյանը X-ում գրառում է կատարել՝ ցավակցելով Հնդկաստանի վարչապետ Նարենդրա Մոդիին և Հնդկաստանի բարեկամ ժողովրդին ավիավթարի կապակցությամբ, որի զոհ են դարձել հարյուրավոր մարդիկ։
«Խորապես վշտացած եմ Ահմեդաբադում ուղևորատար ինքնաթիռի ողբերգական ավիավթարի լուրից։ Մեր անկեղծ ցավակցությունն եմ հայտնում վարչապետ Նարենդրա Մոդիին և Հնդկաստանի բարեկամ ժողովրդին: Աղոթում ենք բոլոր զոհերի, բոլոր տուժածների և նրանց ընտանիքների համար»,- գրել էր ՀՀ վարչապետը:
Միջադեպը տեղի է ունեցել, երբ Air India-ի օդանավը, որը տեղափոխում էր 232 ուղևորի և անձնակազմի 10 անդամի, տեղի ժամանակով 13:17-ին Լոնդոն էր թռչում։ Ինքնաթիռում եղել է 169 հնդիկ, 53 բրիտանացի, 7 պորտուգալացի և մեկ կանադացի ուղևոր։ Հաղորդվում է, որ Air India-ի օդանավը Ահմեդաբադում (Հուջարաթ նահանգ) բախվել է BJ բժշկական քոլեջի հանրակացարանին: Հինգ ուսանող մահացել է, վիրավորներ կան։ Հնդկաստանի Ահմադաբադի օդանավակայանի մոտ Air India ավիաընկերության օդանավի վթարի հետևանքով, ենթադրաբար, բոլոր 242 ուղևորները զոհվել են։
