08.09.2026 | 15:16
Թուրք ընդդիմադիր պատգամավորն այցելել է Անի ու խոսել ՀՀ-ի հետ սահմանային առևտրի վերսկսման ցանկության մասին
ՇԿՀԱ փորձագետները ստուգման նախնական այց են կատարել Հայկական ատոմային էլեկտրակայան
12.06.2025 | 14:19
Հունիսի 8-11-ն ընկած ժամանակահատվածում Հայկական ատոմային էլեկտրակայանում (ՀԱԷԿ) տեղի է ունեցել Կորպորատիվ գործընկերային ստուգման նախնական այց՝ Շահագործող կազմակերպությունների համաշխարհային ասոցիացիայի (ՇԿՀԱ) փորձագետների մասնակցությամբ։ Այդ մասին տեղեկացնում են ՀԱԷԿ-ի հասարակայնության հետ կապերի բաժնից:
«Այցի շրջանակներում ՇԿՀԱ փորձագետները ծանոթացել են կայանի արտադրական գործընթացներին, իրականացրել մի շարք տեխնիկական շրջայցեր, ինչպես նաև անցկացրել հարցազրույցներ ղեկավար կազմի և մասնագիտական անձնակազմի ներկայացուցիչների հետ։ Նմանատիպ հանդիպումներն ու քննարկումները հնարավորություն են տալիս ՇԿՀԱ թիմին նախնական պատկերացում կազմել ՀԱԷԿ-ի կառավարման համակարգի, անվտանգության մակարդակի և գործառնական մոտեցումների վերաբերյալ»,- ասված է հաղորդագրությունում։
Նշվում է, որ մասնագետները կատարել են դիտարկումներ, որոնք հետագայում կծառայեն որպես հիմք հիմնական գործընկերային ստուգման պատրաստման համար։
