18.02.2026 | 16:31
ԱՄՆ-ը մեղադրանք է առաջադրել ՌԴ-ի հետ կապված Marinera լցանավի վրացի նավապետ Ավթանդիլ Կալանդաձեին
ՌԴ Տամբովի մարզն ԱԹՍ-ների զանգվածային հարձակման է ենթարկվել․ վառոդի գործարանում, ենթադրաբար, հրդեհ է բռնկվել․ ՏԵՍԱՆՅՈՒԹ
Քաղաքականություն
11.06.2025 | 11:47
ՌԴ Տամբովի մարզի իշխանությունները հայտնել են հունիսի լույս 11-ի գիշերն անօդաչու թռչող սարքերի զանգվածային հարձակման մասին։ Տելեգրամ ալիքների տվյալներով՝ հարձակումը հրդեհ է առաջացրել Կոտովսկի վառոդի գործարանում։ Տամբովի նահանգապետի պաշտոնակատար Եվգենի Պերվիշովը հայտնել է, որ խոցված անօդաչու թռչող սարքերի բեկորների անկման հետևանքով հրդեհ է բռնկվել, որը մարվել է։
«Անօդաչու թռչող սարքերից մեկի անկման հետևանքով հրդեհ է բռնկվել, որը մարվել է հրշեջ ջոկատների կողմից։ Տուժածներ չկան։ Դեպքի վայրում աշխատում են իրավապահ մարմինները։ Իրավիճակը վերահսկողության տակ է։ Ես ստանում եմ բոլոր օպերատիվ զեկույցները Կոտովսկի ղեկավար Ալեքսեյ Պլախոտնիկովից, ԱԻՆ-ից և ուժային կառույցներից»,- գրել է նա տելեգրամի իր ալիքում։
Միաժամանակ, տելեգրամ ալիքները, հղում անելով տեղի բնակիչներին, գրում են, որ Տամբովի մարզի Կոտովսկ քաղաքի երկնքում որոտացել է մոտ տասը պայթյուն։ Տելեգրամ ալիքները պնդում են, որ անօդաչու թռչող սարքերը հարձակվել են Տամբովի վառոդի գործարանի վրա։
Astra-ն գրում է, անօդաչու թռչող սարքերի հարձակման հետևանքով գործարանը հրդեհվել է։ Նշվում է, թե այն փաստը, որ կադրերում երևում է գործարանի հարակից տարածքը, վկայում են երկու կարմիր և սպիտակ խողովակները, որոնք նախկինում հայտնվել են վառոդի գործարանի լուսանկարներում տեղական լրատվամիջոցներում։
Մայիսի 29-ի գիշերը գործարանն արդեն ենթարկվել էր անօդաչու թռչող սարքերի հարձակմանը։ Հրդեհ էր բռնկվել պահեստներից մեկի տանիքում, ոչ ոք չէր տուժել։
Տամբովի վառոդի գործարանը հրաձգային զենքի և հրետանային զինամթերքի համար նախատեսված վառոդի խոշորագույն ռուսական արտադրողներից մեկն է։
Ռուսաստանի ՊՆ-ն էլ հայտնել է, որ ՀՕՊ համակարգերը ՌԴ տարածքում խոցել են ուկրաինական 32 անօդաչու թռչող սարք, այդ թվում՝ 5-ը՝ Տամբովի մարզում։
Թարգմանությունը՝ Էմմա Չոբանյանի
