08.09.2026 | 11:40
5 կգ թմրամիջոցն ապօրինի իրացնելու փորձ կատարած 3 անձինք կալանավորվել են
Նախիջևանում Ադրբեջանի և Թուրքիայի համատեղ զորավարժությունների նախապատրաստական աշխատանքներն են ընթանում
Քաղաքականություն
10.06.2025 | 16:04
Ադրբեջանի Պաշտպանության նախարարությունը մանրամասներ է հայտնել Նախիջևանում Թուրքիայի ԶՈւ-ի հետ կայանալիք համատեղ զորավարժությունների մասին։ Նշվում է, որ տեղի է ունեցել Ադրբեջանի և Թուրքիայի պետական դրոշների փոխանակման արարողությունը՝ «Անխորտակելի եղբայրություն-2025» համակարգչային հրամանատարաշտաբային զորավարժությունների և «Մուստաֆա Քեմալ Աթաթուրք-2025» համատեղ մարտավարական զորավարժությունների նախապատրաստման շրջանակում:
Այնուհետև զորավարժություններին մասնակցող ստորաբաժանումներն ու ռազմական տեխնիկան սահմանային անցակետից ուղևորվել են Նախիջևան։
Զորավարժությունների պլանի համաձայն՝ տանկային, մեխանիզացված և կոմանդոս ստորաբաժանումները կիրականացնեն տարբեր ուսումնամարտական առաջադրանքներ՝ հրետանու, հակաօդային պաշտպանության ստորաբաժանումների և ավիացիայի աջակցությամբ։
Ավելի վաղ Թուրքիայի ՊՆ-ն հայտնել էր իր զինծառայողների՝ Ադրբեջան մեկնելու մասին։
Զորավարժություններն անցկացվելու են հունիսի 12-19-ը։
Թարգմանությունը՝ Էմմա Չոբանյանի
