16.12.2025 | 12:53
Շրջվողը դեմ չէր շրջվելուն․ Խաչատրյանը՝ Արցախում Հարությունյանին Շահրամանյանով փոխարինելու մասին. ՏԵՍԱՆՅՈՒԹ
Թուրքիան դուրս է բերել ծանր սպառազինումն Իդլիբի ապառազմականացված գոտուց
Քաղաքականություն
11.10.2018 | 15:27
Թուրքիայի պաշտպանության նախարարությունը գրավոր հայտարարությամբ տեղեկացրել է, որ Սիրիայի Իդլիբ նահանգում ստեղծվելիք ապառազմականացված գոտու տարածքից դուրս է բերել ծանր սպառազինումը. փոխանցում է ermenihaber-ը:
Թուրքիան, Իրանի և Ռուսաստանի հետ միասին հանդիսանում է անվտանգության գոտի հայտարարված Իդլիբի երաշխավոր երկիր։
Թուրքիայի ՊՆ-ի հայտարարության մեջ մասնավորապես ասվում է, որ Իդլիբում 15-20կմ խորությամբ տարածքում ստեղծվելու է ապառազմականացված գոտի։ Դրա վերաբերյալ համաձայնություն էր ձեռքբերվել դեռևս սեպտեմբերի 17-ին Սոչիում Իդլիբի հարցով հրավիրված ժողովի շրջանակներում։
«Թուրքիան որպես երաշխավոր երկիր կատարել է համաձայնագրով իր վրա դրված պարտավորությունները։ Համաձայնագրի շրջանակներում Իդլիբում լարվածությանը վերջ դնելու և փոխադարձ բախման ռիսկերը վերացնելու նպատակով ծանր սպառազինության դուրսբերման գործընթացն ապառազմականացված գոտու տարածքից հոկտեմբերի 10-ին ավարտվել է»,-ասվում է Թուրքիայի պաշտպանության նախարարության հայտարարության մեջ։
Հիշեցնենք, որ ապառազմականացված գոտին սկսելու է գործել հոկտեմբերի 15-ից։ Գոտու անվտանգության վերահսկողությունը սահմանելու են Թուրքիայի և Ռուսաստանի զինուժը։
